ডিজিটেল ডেস্কঃ বিয়া কৰাই অনাৰ পাছত আপোনাৰ নৱবিবাহিতা পত্নীক কি উপহাৰ দিবলৈ মন যাব? নিশ্চয় জীৱনভৰ মনত থাকি যাব পৰা কোনো মৰমৰ উপহাৰ৷ কিন্তু পাকিস্তানৰ এগৰাকী যুৱকে নৱবিবাহিতা পত্নীক যিটো উপহাৰ দিলে, সেয়া শুনি আপুনি থত মত খাব!
নৱবিবাহিতা পত্নীক এটা গাধ উপহাৰ দিলে যুৱকজনে৷ যুৱকজনৰ নাম আজলান শ্বাহ৷ ইউটিউবাৰ হিচাবে তেওঁ বেছ জনপ্ৰিয়৷ ইতিমধ্যে পত্নীক গাধ উপহাৰ দিয়াৰ ভিডিঅ’সমূহ সামাজিক মাধ্যমত ভাইৰেল হৈ পৰিছে৷
যুৱকগৰাকীয়ে জনাইছে যে তেওঁৰ পত্নীয়ে গাধ খুব ভাল পায়৷ পত্নীৰ পচন্দৰ কথা ভাবিয়ে এটা গাধাৰ পোৱালী উপহাৰ দিছে তেওঁ৷ গাধটোক লৈ তেওঁৰ পত্নীয়ে হাঁহিমুখে ফটোও উঠিছে৷
গাধৰ পোৱালীটোৰ নামো দিয়া হৈছে৷ নাম ৰখা হৈছে ভোলা৷ আজলানে আৰু জনাইছে যে গাধৰ পোৱালীটোক অৱশ্যে তাৰ মাকৰ পৰা কাঢ়ি অনা নাই৷ পোৱালীটোৰ স’তে তাৰ মাকক কিনা হৈছে বুলি জনাইছে তেওঁ৷
Continue Reading
