ডিজিটেল ডেস্কঃ চোৰৰ অভিনৱ বুদ্ধি। এটা ১০ ফুট দীঘল সুৰংগ খান্দি চোৰে বেংকত প্ৰৱেশ কৰে আৰু প্ৰায় ১ কোটি টকা মূল্যৰ সোণ লুটি নিয়ে। কানপুৰত সংঘটিত হৈছে এই ঘটনা। ষ্টেট বেংকৰ ভানুতি শাখাত সংঘটিত ঘটনাটোত আৰক্ষীও আচৰিত হৈছে।
আৰক্ষী বিষয়া বিজয় ধুলেই কয়, "চোৰে যি ধৰণে পৰিকল্পনা কৰিছে আৰু আগবাঢ়িছে সেয়া আচৰিত। সুৰংগটোৰ মুখো পোৱা গৈছে। দেখা গৈছে যে চোৰে কিছুদূৰৈৰ পৰা সুৰংগটো খান্দিছিল।সুৰংগটোৰে চোৰে বেংকৰ ষ্ট্ৰংৰুমত উপস্থিত হৈছিল আৰু সোণ খিনি চুৰি কৰিছিল ।অৱশ্যে, চোৰে নগদ ধন সৰকাব নোৱাৰিলে। ফলস্বৰূপে, তাত থকা ৩২ লাখ টকাৰ নগদ ধন সুৰক্ষিত হৈ ৰয়। চোৰে সোণ ৰখা লকৰটো ভাঙি ১.৮ কিলোগ্ৰাম সোণ চুৰি কৰি নিয়ে । ’’
ঘটনাৰ খবৰ পোৱাৰ পিছতে আৰক্ষী আৰু ফৰেনচিক বাহিনীয়ে জোৰদাৰভাৱে অনুসন্ধান আৰম্ভ কৰিছে। "সন্দেহ কৰা হৈছে যে বেংকৰ ভিতৰৰে কোনোবা এই অপৰাধত জড়িত আছে," ধোলেই কয়।
চোৰে ইমান দক্ষতাৰে অপৰাধ টো কৰিছিল যে তেওঁলোকে প্ৰথম দৃষ্টিত কোনো প্ৰমাণএই ৰাখি থৈ যোৱা নাই।
বিশেষ ষ্ট্ৰংৰুমৰ অৱস্থান সম্পৰ্কে চোৰ হাতত যথেষ্ট তথ্য আছিল।
Continue Reading
