ডিজিটেল ডেস্কঃ চুজেন খানৰ সৈতে বিবাহ বিচ্ছেদ হোৱাৰ পাছতে বলীউডৰ কেইবাগৰাকীও অভিনেত্ৰীৰ নাম হৃত্বিক ৰোশনৰ সৈতে জড়িত হৈ পৰিছে। কিন্তু ঋত্বিকৰ জীৱনৰ বসন্ত হিচাপে আগমন ঘটিল সাবা আজাদৰ। দুয়োৰে প্ৰেম-ৰোমাঞ্চে প্ৰায়ে সংবাদ শিৰোনাম দখল কৰে। হৃত্বিকে নিজেই এইবাৰ কাৰৱা চৌথত ছাবাৰ সৈতে নিজৰ সম্পৰ্কক ছীল-মোহৰ মাৰিলে। কৰণ জোহৰৰ ৫০ সংখ্যক জন্মদিনৰ অনুষ্ঠানত প্ৰথমবাৰৰ বাবে সংবাদ মাধ্যমৰ সন্মুখলৈ আহিছিল হৃতিক-সাবা। ইয়াৰ পাছত হৃত্বিকে বেছি সময় নোলোৱাকৈয়ে সাবা লগত থকা সম্পৰ্কৰ কথা স্বীকাৰ কৰিলে।
শেহতীয়াকৈ সাবা আৰু ঋত্বিক অতি সোনকালে একেলগে থাকিবলৈ আৰম্ভ কৰিব বুলি চৰ্চা চলিছে। মুম্বাইৰ ১৫নং আৰু ১৬ নং মহলাত থকা মন্নত নামৰ এটা ঘৰত ১০০ কোটি টকাত ডুপল কিনিলে ঋত্বিকে। তাতে দুয়ো নতুন পৰিয়াল এটা গঢ়ি তুলিব বুলি চৰ্চা চলিছে। জুহু-ভাৰ্ছ’ভা সংযোগী পথত সাগৰৰ ফালে মুখ কৰি এটা ফ্লেটত থাকিব হৃতিক-সাবা। এই মুহূৰ্তত ফ্লেটটোৰ ভিতৰৰ সজ্জাৰ কাম পূৰ্ণগতিত চলি আছে।
কাম শেষ হ’লেই তাত দুয়ো থাকিবলৈ আৰম্ভ কৰিব। অৱশ্যে সেই চৰ্চাৰ ওপৰত ঠাণ্ডা পানী ঢালি দিলে অভিনেতাজনে। তেওঁ নিজৰ টুইটাৰ একাউণ্টত লিখিছে, ‘এনে খবৰত কোনো সত্যতা নাই। মই জানো আমাৰ জীৱনৰ প্ৰতি আপোনালোকৰ কৌতুহল আছে, কিন্তু ভুৱা বাতৰি প্ৰচাৰ নকৰাটোৱেই ভাল।''
উল্লেখ্য যে হৃত্বিকৰ শেহতীয়া মুক্তিপ্ৰাপ্ত ছবিখন হ'ল 'বিক্ৰম-বেধা'। ছবিখন বক্স অফিচত সফল নহ’ল। এইবাৰ হৃত্বিকৰ পৰৱৰ্তী ছবি ‘ফাইটাৰ’ৰ বাবে অপেক্ষা কৰি আছে অনুৰাগীসকল। হৃত্বিকৰ উপৰিও ছবিখনত অভিনয় কৰিছে দীপিকা পাডুকনে।
Continue Reading
