ডিজিটেল ডেস্কঃ ৩২ বছৰ বয়সত ভৰি দিলে কাৰ্তিক আৰিয়ানে। সকলোৱে বলিউডৰ অভিনেতাগৰাকীক শুভকামনা জনাইছে। অভিনৰ উপৰিও নিজৰ প্ৰেম জীৱনৰ বাবেও চৰ্চাত থাকে কাৰ্তিক। চাৰা আলি খানৰ পৰা কৃতি চাননলৈকে- সকলোৰে স’তে কাৰ্তিকৰ হৃদয় জৰিত হৈ পৰিছিল।
কিন্তু আপুনি জানেনে অনেক সুন্দৰী যুৱতীৰ হৃদয় হৰণ কৰিলেও কেৰিয়াৰৰ প্ৰথম পৰ্যায়ত কাৰ্তিকে চিনেমাৰ পৰ্দাত ৰোমাঞ্চ কৰিবলৈ হেনা-হুঁচা কৰিছিল! আনকি এখন চিনেমাত এটা চুম্বনৰ দৃশ্যগ্হণত ৩৭টাকৈ টেক দিব লগা হৈছিল কাৰ্তিকক।
২০১৪ চনত সুভাষ ঘাইৰ পৰিচালনাত 'কাঞ্চীঃ দা আনব্ৰেকেবল’ নামৰ চিনেমাখনে মুক্তিলাভ কৰিছিল। উক্ত ছৱিখনত নায়কৰ চৰিত্ৰত আছিল কাৰ্তিক আৰু নায়িকাৰ চৰিত্ৰত আছিল মিষ্টী চক্ৰৱৰ্তী।
ছৱিখনত এটা দৃশ্য আছিল য’ত মিষ্টীক কাৰ্তিকে চুম্বন কৰিব লাগে। কিন্তু চুম্বনৰ দৃশ্যগ্ৰহণত প্ৰচণ্ড অস্বস্তিবোধ কৰে কাৰ্তিক। এটাৰ পাছত এটাকৈ চুম্বনৰ দৃশ্য কাট কৰে পৰিচালকে। এনেদৰে ৩৫ টাকৈ টেক লয়। শেষত বিৰক্ত হৈ কাৰ্তিকে কৈ উঠিছিল যে তেওঁ চুমা খাব নোৱাৰে। অৱশেষত ৩৭ টা টেক লোৱাৰ পাছত সুভাষ ঘাই সন্তুষ্ট হয়।
এতিয়া কাৰ্তিক আৰিয়ান বলিউডৰ অন্যতম সফল অভিনেতা। কৰি গৈছে ইখনৰ পাছত সিখন চিনেমা। হৃদয় চুৰি কৰিছে অনেকৰে।
Continue Reading
