--°C
Loading...
Listen to Article
3 min read
80%

In Short

  • লোক সভাত কেন্দ্রীয় চৰকাৰে সোমবাৰে এই তথ্য দাখিল কৰি কয় যে মেঘালয়, তেলেংগানা আৰু অন্ধ্র প্রদেশত চৰকাৰী বিদ্যালয় হ্রাস হোৱাৰ হাৰ অতি বেছি।

ডিজিটেল ডেস্ক: চৰকাৰী শিক্ষা ব্যৱস্থাত আমূল পৰিবর্তন হৈছে বুলি কেন্দ্রীয় চৰকাৰে দাবী কৰি আহিছে যদিও খোদ চৰকাৰী তথ্যতে দেশৰ প্রাথমিক শিক্ষাৰ ফোঁপোলা স্বৰূপ উন্মোচিত হৈছে। সমগ্র দেশজুৰি এবছৰত প্রায় ১০ হাজাৰখন চৰকাৰী প্রাথমিক বিদ্যালয় বন্ধ হৈ পৰিছে। লোক সভাত কেন্দ্রীয় চৰকাৰে সোমবাৰে এই তথ্য দাখিল কৰি কয় যে মেঘালয়, তেলেংগানা আৰু অন্ধ্র প্রদেশত চৰকাৰী বিদ্যালয় হ্রাস হোৱাৰ হাৰ অতি বেছি।


ডি এম কেৰ সাংসদ টি এন বালুৰ এটা লিখিত প্রশ্নৰ উত্তৰত শিক্ষা মন্ত্র্যালয়ে 'ইউ ডাইচ+' তথ্যৰ ভিত্তিত কয় যে প্রাথমিক স্তৰৰ চৰকাৰী বিদ্যালয়ৰ সংখ্যা ২০২৪-২৫ চনৰ ৮,৮৯,৮০৬খনৰ তুলনাত ২০২৫-২৬ চনত ৮,৭৯,৯৪০ খনলৈ কমিছে। 


এই তথ্য মতে, সমগ্র দেশত এবছৰত ৯,৮৬৬খন চৰকাৰী প্রাথমিক বিদ্যালয় বন্ধ হৈ পৰিছে। কেন্দ্রীয় চৰকাৰে প্ৰকাশ কৰা তথ্য অনুসৰি, ছাত্র-ছাত্রীৰ সংখ্যা হ্রাস পোৱাৰ বাবে আৰু শিক্ষার্থীয়ে আধাতে স্কুল এৰা (ড্রপ আউট) প্রতিৰোধ কৰিবলৈ পদক্ষেপ লোৱাৰ বাবে বৃহৎ সংখ্যক চৰকাৰী প্রাথমিক বিদ্যালয় বন্ধ কৰিব লগা হৈছে। অৱশ্যে, শিক্ষার্থীৰ অভাৱৰ বাবে কিমানখন চৰকাৰী প্রাথমিক বিদ্যালয় বন্ধ কৰিব লগা হৈছে, তাৰ হিচাপ সঠিককৈ শিক্ষা মন্ত্র্যালয়ে নিদিলে। কিন্তু দুটা শৈক্ষিক বর্ষত চৰকাৰী প্রাথমিক বিদ্যালয় বন্ধ হোৱাৰ সামগ্রিক সংখ্যাহে প্রকাশ কৰিলে। মেঘালয়ত চৰকাৰী প্রাথমিক বিদ্যালয়ৰ সংখ্যা এবছৰৰ ব্যৱধানত ৭,৬৩৩খনৰ পৰা ৫৪৫৯ খনলৈ হ্রাস পাইছে। এবছৰত ২,১৭৪খন চৰকাৰী স্কুল মেঘালয়ত বন্ধ হৈ পৰিছে। তেলেংগানাত ১,৯৬১খন আৰু অন্ধ্র প্রদেশত ১৪৪৬খন চৰকাৰী প্রাথমিক বিদ্যালয় এবছৰত বন্ধ কৰা হৈছে। 


আনহাতে, মধ্য প্রদেশত ১,০৪৩খন, কর্ণাটকত ৬১৫খন, পশ্চিম বংগত ৫৮৭খন, ৰাজস্থানত ৪৭৩খন, মহাৰাষ্ট্ৰত ৩৫৭খন, হিমাচল প্রদেশত ২৫৯খন আৰু অসমত ২০৯খন চৰকাৰী প্রাথমিক বিদ্যালয় এবছৰত হ্রাস পাইছে। চৰকাৰী প্রাথমিক বিদ্যালয় থকাৰ ক্ষেত্ৰত উত্তৰ প্ৰদেশ আগবাঢ়ি আছে। এবছৰত উত্তৰ প্রদেশত ১,৩৪,১১৫খনৰ পৰা ১,৩৩,৯৪৮ খন চৰকাৰী প্রাথমিক বিদ্যালয় হৈছে। আনহাতে, বিহাৰত চৰকাৰী প্রাথমিক বিদ্যালয় এবছৰত ৬৬,৮০৩খনৰ পৰা ৬৬.৯১৫ খনলৈ বৃদ্ধি পাইছে। ঠিক সেইদৰে ছট্টিশগড়তো ৪৩,৮৩৬খনৰ পৰা ৪৩,৮৫৩খনলৈ চৰকাৰী প্রাথমিক বিদ্যালয়ৰ সংখ্যা বৃদ্ধি পাইছে।

উৎস: দৈনিক জনমভূমি



FOLLOW US F
POPULAR
FEATURE
TRENDY
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰিজার্ভ বেংকে বান্ধি দিয়া ‘সহনশীলতাৰ সীমা’ অতিক্ৰম; খুচুৰা মুদ্রাস্ফীতি ৬.০৯%লৈ বৃদ্ধি
৪ দশকত ৭টা বৃহৎ পথ দুর্ঘটনা সংঘটিত হৈছে অসমত; জানো আহক সবিশেষ
মথুৰাত চলন্ত বাছত ভয়ংকৰ জুই! চালক জিতেন্দ্ৰৰ বুদ্ধিমত্তাত ৰক্ষা পৰিল ৪০ যাত্ৰীৰ প্ৰাণ
বিলাসীপাৰাত ধনৰ লোভত নাবালিকা কন্যাক বিয়া দিবলৈ চেষ্টা কৰাৰ অভিযোগ; নিজ পিতৃৰ বিৰুদ্ধে এজাহাৰ কন্যাৰ
কাজিৰঙাৰ ৰঙাজানত ভয়ংকৰ পথ দুৰ্ঘটনা; তীব্ৰবেগী ট্ৰেভেলাৰ আৰু ট্ৰেইলাৰৰ মুখামুখি সংঘৰ্ষত ২৩ জনৰ মৃত্যু
ফেন্সি বজাৰৰ উৰ্বশী বজাৰত এন্দুৰৰ উপদ্ৰৱ আৰু গুৱাহাটী মহানগৰীৰ নিগমৰ জৰিমনা
অসমৰ অৱক্ষয়িত বনভূমি পুনৰুদ্ধাৰত ১৩৪ সংখ্যক ইক’লজিকেল টাস্ক ফ’ৰ্চৰ প্ৰশংসা মুখ্যমন্ত্ৰীৰ
আমিনগাঁৱত প্ৰদূষণকাৰী উদ্যোগ স্থাপনৰ বাবে প্ৰদান কৰা অনুমতি পত্ৰ খাৰিজ গুৱাহাটী উচ্চ ন্যায়ালয়ৰ
কাজিৰঙাত সংঘটিত মৰ্মান্তিক পথ দুৰ্ঘটনাত কুৰিজনৰো অধিক লোকৰ প্ৰাণহানি, শীৰ্ষ নেতাসকলৰ শোক প্ৰকাশ
কাজিৰঙাৰ দুৰ্ঘটনা সন্দৰ্ভত এআইইউডিএফৰ গভীৰ শোক প্ৰকাশ
মহানগৰীত আৰক্ষীৰ কঠোৰ পদক্ষেপ, জনসাধাৰণক আমনি কৰাৰ অভিযোগত আটক ২২ জন তৃতীয় লিংগৰ ব্যক্তি
গুৱাহাটীত আৰম্ভ হ’ল ৰাষ্ট্ৰীয় ফাৰ্মাচী সপ্তাহ ২০২৬
মহানগৰীত ভেণ্ডিং জ’ন স্থাপনৰ পৰিকল্পনাত হেঙাৰ, ফুটপাথত অব্যাহত দখলদাৰী