ডিজিটেল ডেস্কঃ দীৰ্ঘ ১০৬ বছৰৰ এটা অধ্যায়ৰ সমাপ্তি ঘটিল । স্বাধীন ভাৰতৰ প্ৰথম ভোটাৰ শ্যাম চৰণ নেগী আৰু নাই । তেওঁ শনিবাৰে পুৱতি নিশা হিমাচল প্ৰদেশৰ কিন্নৌৰত থকা নিজৰ ঘৰত শেষ নিশ্বাস ত্যাগ কৰে। নেগীয়েই প্ৰথমে হিমাচল প্ৰদেশৰ বিধানসভা নিৰ্বাচনত ডাক যোগেল ভোটদান কৰিছিল।
উল্লেখ্য হিমাচল প্ৰদেশত ১২ নৱেম্বৰত নিৰ্বাচন অনুষ্ঠিত হ'ব আৰু ৮ ডিচেম্বৰত ফলাফল ঘোষণা কৰা হ'ব। ৰাজ্যখনৰ মুখ্যমন্ত্ৰী জয়ৰাম ঠাকুৰে তেওঁৰ মৃত্যুত শোক প্ৰকাশ কৰিছে।
শ্যাম শৰণ নেগীৰ জন্ম ১০১৯ চনৰ জুলাই মাহত হৈছিল। দেশে স্বাধীনতা লাভ কৰাৰ পিছত ১৯৫১ চনত যেতিয়া নিৰ্বাচন প্ৰক্ৰিয়া আৰম্ভ হৈছিল, হিমাচলৰ এইগৰাকী বাসিন্দাই প্ৰথম ভোটাৰ হৈছিল। তেওঁ কল্পাৰ এখন বিদ্যালয়ত চাকৰি কৰিছিল।
বলীউডৰ চলচ্চিত্ৰ 'চানম ৰে'ত অতিথি শিল্পী হিচাপে তেওঁৰ উপস্থিতিয়ে দৰ্শকসকলক আনন্দিত কৰি তুলিছিল। প্ৰতি বছৰে যিকোনো নিৰ্বাচনতে তেওঁ ভোটদানৰ অধিকাৰ সাৱস্ত্য কৰিছিল। যদিও তেওঁৰ শৰীৰটো লাহে লাহে ভাগৰুৱা হৈ পৰিছিল, ভোট দিয়াৰ উৎসাহ হ্ৰাস পোৱা নাছিল। এইবাৰো ১০৬ বছৰীয়া শ্যাম শৰণে ২ নৱেম্বৰত তেওঁৰ কল্পাৰ ঘৰতে ভোটদান কৰে।
সেই সময়ত তেওঁৰ শৰীৰ বৰ বেয়া আছিল। অৱশ্যে তেওঁ ভোটদানৰ পৰা বিৰত হোৱা নাছিল। ভোটদানৰ তিনিদিন পিছত শনিবাৰে পুৱতি নিশা নেগীয়ে চিৰ দিনৰ বাবে চকু মুদে। কিন্নৌৰ জিলা দণ্ডাধীশ আবিদ হুছেইনে কয় যে জিলা প্ৰশাসনে তেওঁৰ অন্তিম সংস্কাৰৰ ব্যৱস্থা কৰিব।
Continue Reading
