ডিজিটেল ডেস্কঃ বৃহস্পতিবাৰে ভাৰত আৰু দক্ষিণ আফ্ৰিকাৰ মাজত অনুষ্ঠিত দ্বিতীয়খন টেষ্ট মাত্ৰ ডেৰ দিনৰ ভিতৰতে সমাপ্ত হয়। আজিৰ দিনটোতে চাহ বিৰতিৰ পূৰ্বে লক্ষ্যৰ ৭৯ ৰানত জয়লাভ কৰে ভাৰতে। সেই মেচতে দেখা গ’ল বিশ্ব অভিলেখ। ৯২ বছৰীয়া এই অভিলেখ ভংগ হ’ল।
ভাৰত বনাম দক্ষিণ আফ্ৰিকাৰ এই মেচখন মাত্ৰ ১০৭ অভাৰত অনুষ্ঠিত হৈছিল। অৰ্থাৎ ৬৪২টা বল খেলা হৈছে। ইয়াৰ পূৰ্বৰ অভিলেখ আছিল ১৯৩২ চনত অষ্ট্ৰেলিয়া বনাম দক্ষিণ আফ্ৰিকাত। সেই মেচখন ১০৯.২ অভাৰ বা ৬৫৬ বলত শেষ হৈছিল। তালিকাৰ তৃতীয় স্থানত আছে ৱেষ্ট ইণ্ডিজ বনাম ইংলেণ্ডৰ মেচ। ১৯৩৫ চনত সেই মেচখন ১১২ অভাৰ বা ৬৭২ বল চলিছিল।
ইয়াৰ পিছতে দুখন এছেছ মেচ অনুষ্ঠিত হয়। দুটা ১৮৮৮ চনৰ। আগষ্ট মাহত ইংলেণ্ডে প্ৰথমটো কেছত জয়লাভ কৰিছিল। সেই মেচত ৭৮৮টা বল খেলা হৈছিল। তাৰ ঠিক আগতে জুলাই মাহত অষ্ট্ৰেলিয়াই ইংলেণ্ডক এখন মেচত পৰাস্ত কৰিছিল। সেই মেচখন ৭৯২টা বলত খেলা হৈছিল।
বুধবাৰে টেষ্টৰ প্ৰথম দিনটোত ২৩টা উইকেট পৰিল। মহম্মদ চিৰাজৰ ৬টা উইকেটৰ বাবেই দক্ষিণ আফ্ৰিকাই ৫৫ ৰান সংগ্ৰহ কৰি অন্ত পেলায়। পিছত ভাৰতেও ১৫৩ ৰানত বল আউট হয়। প্ৰথম দিনাৰ খেল শেষ হোৱাৰ পূৰ্বেই দক্ষিণ আফ্ৰিকাইও তিনিটা উইকেট হেৰুৱাইছিল। পিছদিনা অৰ্থাৎ বৃহস্পতিবাৰে পুৱা দক্ষিণ আফ্ৰিকাই দুপৰীয়াৰ আহাৰ গ্ৰহণৰ পূৰ্বে ৭টা উইকেট হেৰুৱাইছিল। ইয়াৰ পিছত ভাৰতে ৰান খেদি খেদি ৩ উইকেট হেৰুৱাইছিল।
Continue Reading
