ডিজিটেল ডেস্কঃ দেশৰ বিভিন্ন প্ৰান্তত বৃদ্ধি পাইছে ধৰ্ষণৰ ঘটনা৷ এনে ঘটনাৰ পৰা সাৰি যোৱা নাই শিশুও৷ শেহতীয়াকৈ এটি ১১ বছৰীয়া কন্যা শিশুক ধৰ্ষণ কৰাৰ অভিযোগত এজন যুৱকক আদালতে ৮০ বছৰৰ কাৰাদণ্ড বিহিছে৷ ৮০ বছৰৰ কাৰাদণ্ডৰ উপৰি আদালতে যুৱকজনক জৰিমনা পৰিশোধ কৰিবলৈও নিৰ্দেশ দিয়ে।
ঘটনাটো কেৰালাৰ মালাপ্পুৰম অঞ্চলত সংঘটিত হৈছিল। আদালততে আজি শুনানিৰ অন্তত অপৰাধীক ৮০ বছৰৰ কাৰাদণ্ড বিহে৷ মঞ্জেৰিৰ পকচো আদালতে যুৱকজনৰ বিৰুদ্ধে এই শাস্তি ঘোষণা কৰিছে। অভিযুক্তজনৰ নাম নওফাল। তেওঁ কেৰালাৰ কথাকাঞ্চেৰী গাঁৱৰ বাসিন্দা।
তেওঁৰ বিৰুদ্ধে ভাৰতীয় দণ্ডবিধিৰ ধাৰা ৪৪৯, ৩৬৬, ৩৭৬ (এবি), ৩৭৬ (২)(এন) আৰু পকচোৰ অধীনত এটা গোচৰ ৰুজু কৰা হৈছিল।পকচো আদালতৰ বিশেষ ন্যায়াধীশ কে ৰাজেশে যুৱকজনক ৩ লাখ টকাৰ জৰিমনা পৰিশোধ কৰিবলৈও নিৰ্দেশ দিছে।
Continue Reading
