ডিজিটেল ডেস্কঃ বিৰাট কোহলী আৰু অনুশ্কা শৰ্মা ক’ত? নতুন বছৰৰ আৰম্ভনি হ’বলৈ কিছুপৰ বাকী থকাৰ সময়তে বিমানত উঠি তেওঁলোক ক’লৈ গ’ল? ইত্যাদি প্ৰশ্নই অনুষ্কা-বিৰাটৰ অনুৰাগীসকলক ব্যতিব্যস্ত কৰি ৰাখিছিল৷ এতিয়া অনুৰাগীক আশ্বস্ত কৰি অনুষ্কা-বিৰাটে প্ৰকাশ কৰিলে তেওঁলোক ক’লৈ গৈছে৷
তেওঁলোক এতিয়া ডুবাইত আছে৷ ডুবাইতেই তেওঁলোকে নতুন বছৰক আদৰিব৷ শেহতীয়াকৈ
ছ'চিয়েল মিডিয়াত তেওঁলোকে কৰা এটা পোষ্ট ক্ৰমান্বয়ে ভাইৰেল হৈ পৰিছে য'ত টীম ইণ্ডিয়াৰ প্ৰাক্তন অধিনায়ক বিৰাট কোহলীক এই বছৰৰ শেষৰ দিনটোত তেওঁৰ পত্নী অনুষ্কা শৰ্মাৰ সৈতে সূৰ্যোদয় উপভোগ কৰা দেখা গৈছে।
গোটেই পৃথিৱী নতুন বছৰৰ বাবে প্ৰস্তুতিত ব্যস্ত হৈ আছে। এনে সময়তে তেওঁলোকেও নতুন বছৰক বেলেগ ধৰণে আদৰিবলৈ ডুবাইলৈ গৈছে৷ বিৰাট কোহলীয়ে তেওঁৰ ইনষ্টাগ্ৰাম একাউণ্টত এটা পোষ্ট শ্বেয়াৰ কৰিছে। অনুষ্কা শৰ্মা আৰু বিৰাট কোহলীয়ে ২০২২ বৰ্ষৰ অন্তিম দিনটোত সূৰ্যোদয় উপভোগ কৰিছে ডুবাইত। বিৰাট আৰু অনুষ্কাৰ সৈতে আছে তেওঁলোকৰ কন্যা জীয়েক ভামিকাৰ। এই ধুনীয়া ছবিখনে অনুৰাগীসকলৰ পৰা যথেষ্ট মৰম পাইছে।
বিৰাট কোহলীয়ে এই ছবিখনৰ শিৰোনাম দিছে, '২০২২ চনৰ শেষ সূৰ্যোদয়'। কিছুদিন আগতে কাকো নোকোৱাকৈয়ে তেওঁলোকে ডুবাইলৈ গৈছিল৷ বিমানবন্দৰৰ পৰা তেওঁলোকে ফটোও পোষ্ট কৰিছিল যদিও তেওঁলোক ক’লৈ গৈ আছে সেয়া প্ৰকাশ কৰা নাছিল৷
Continue Reading
