ডিজিটেল ডেস্কঃমুম্বাইৰ গাতে লাগি থকা মীৰা ৰোড অঞ্চলত এঘাৰ বছৰীয়া শিশু এটাই ‘জয় শ্ৰী ৰাম’ বুলি ধ্বনি দিয়াৰ বাবেই ইছলাম লোকে শিশুটিক মাৰধৰ কৰে। ‘জয় শ্ৰী ৰাম’ বুলি কোৱা শিশুটিক আনকি জোৰকৈ ‘আল্লাহ হু আকবৰ’ বুলি চিঞৰিবলৈ বাধ্য কৰোৱা হয়। এই গোচৰত মীৰা ৰোড থানাত পাঁচজন অচিনাকি লোকৰ বিৰুদ্ধে এফআইআৰ ৰুজু কৰা হৈছে।
পুত্ৰই ‘আল্লাহ হু আকবৰ’ বুলি চিঞৰিবলৈ বাধ্য হোৱা বুলি অভিযোগ উত্থাপন কৰিছে ভুক্তভোগী শিশুটিৰ পিতৃয়ে।
এই গোচৰত মীৰা ৰোড থানাত পাঁচজন অচিনাকি লোকৰ বিৰুদ্ধে ধৰ্মীয় আৱেগক আঘাত দিয়াৰ অভিযোগত গোচৰ ৰুজু কৰা হৈছে। আৰক্ষীয়ে অভিযুক্তৰ বিৰুদ্ধে আই পি চিৰ ৪৪৮, ২৯৫-এ আৰু ১৪৩ ধাৰা জাৰি কৰিছে।
আৰক্ষীয়ে জনোৱা মতে, অভিযোগকাৰীৰ পক্ষ শুনিছে, এতিয়া ইয়াৰ লগত জড়িত বাকী ৫ জন ল’ৰাক ফোন কৰি তেওঁলোকৰ পক্ষ শুনিব। ইয়াৰ পিছতহে পৰৱৰ্তী ব্যৱস্থা গ্ৰহণ কৰা হ’ব। আৰক্ষীয়ে চিচিটিভি স্কেন কৰি অভিযুক্তক চিনাক্ত কৰিছে।
Continue Reading
