ডিজিটেল ডেস্কঃ লোকসভা নিৰ্বাচনৰ দিন চমু চাপি অহাৰ লগে লগে ছ’চিয়েল মিডিয়াত কংগনা ৰাণাৱটৰ এটি পুৰণি ভিডিঅ’ ছ’চিয়েল মিডিয়াত ঘূৰি ফুৰিছে। লোকসভা নিৰ্বাচনত কংগনা ৰাণাৱটে মাণ্ডিৰ বিজেপি প্ৰাৰ্থী হিচাবে প্ৰতিদ্বন্দ্বিতা কৰিব। এনে সময়তে কংগনাক কংগ্ৰেছ নেত্ৰী সুপ্ৰিয়া শ্ৰীনাথে এগৰাকী 'যৌন কৰ্মী'ৰ সৈতে তুলনা কৰাৰ অভিযোগ উত্থাপিত হৈছে ।
বিষয়টোকলৈ সেয়ে হুলস্থূলো হৈছে। সুপ্ৰিয়াৰ মন্তব্যত তীব্ৰ প্ৰতিক্ৰিয়া ব্যক্ত কৰি কংগনাই কৈছে যে যৌন কৰ্মীসকলক সন্মান জনোৱা উচিত। এনে বিতৰ্কৰ মাজতে কংগ্ৰেছ নেতা শ্ৰীনিবাস ভদ্ৰৱতী ভেংকটে অভিনেত্ৰী কংগনাৰ এটা পুৰণি ভিডিঅ' শ্বেয়াৰ কৰিছে। ভিডিঅ’টোত দেখা গৈছে যে কংগনা ৰাণাৱটে অভিনেত্ৰী উৰ্মিলা মাতোণ্ডকাৰক 'চফ্ট পৰ্ণষ্টাৰ' বুলি অভিহিত কৰিছিল।
উল্লেখ্য সুপ্ৰিয়া শ্ৰীনাথে ইনষ্টাগ্ৰামত কংগনাৰ এখন বিশেষ ফটোও পোষ্ট কৰিছিল। পোষ্টটোৰ শিৰোনামটোত লিখা হৈছে , "আপুনি মোক ক'ব পাৰিবনে এতিয়া মাণ্ডিত কি দৰ চলি আছে?" ইয়াৰ পিছতে কংগ্ৰেছ নেত্ৰীগৰাকীৰ বিৰুদ্ধে বলীউডৰ 'ৰাণী'ক যৌন কৰ্মী বুলি অভিহিত কৰাৰ অভিযোগ উত্থাপন হৈছে । কংগনায়ো বিষয়টোত সামাজিক মাধ্যমতো তীব্ৰ প্ৰতিক্ৰিয়া প্ৰকাশ কৰিছে।
Continue Reading
