ডিজিটেল ডেস্কঃ ১১ হাজাৰ ফুট উচ্চতাত উৰন্ত এখন বিমানত হঠাতে ওলাল এডাল ফেটি সাপ। যাত্ৰীসকলৰ মাজত আতংকৰ সৃষ্টি হয়। কিন্তু বিমানৰ পাইলটজনে সাহসিকতা দেখুৱাই বিমানখন সুৰক্ষিতভাৱে অৱতৰণ কৰে।
ঘটনাটো ৩ এপ্ৰিল সোমবাৰে দক্ষিণ আফ্ৰিকাত সংঘটিত হৈছিল। বিমানখনৰ পাইলটজনে জানিবলৈ দিয়া মতে ৩ এপ্ৰিলৰ ৰাতিপুৱা ৰুডলফ ইৰাচমাছে দক্ষিণ আফ্ৰিকাৰ ৱাৰচেষ্টাৰৰ পৰা চাৰিজন যাত্ৰীৰ সৈতে এখন সৰু বিমান নেলস্প্ৰুটলৈ উৰা মাৰিছিল।
হঠাতে পাইলট জনে তেওঁৰ চিটৰ তলত থকা পানী বটলটোলৈ লক্ষ্য কৰে। পানীৰ বটলটো দেখাৰ পিছত ভয় খাই যায়। কিয়নো পানী বটলটোত এডাল ফেটি সাপ মেৰিয়াই আছিল। তেওঁ লগতে কয় যে এক মুহূৰ্তৰ বাবে মই স্তম্ভিত হৈ গৈছিলো।
অৱশ্যে তাৰ পিছত যাত্ৰী ৪ গৰাকীক কথাটো অৱগত কৰি পাইলটজনে সাহসেৰে বিমানখন সুৰক্ষিতভাৱে অৱতৰণ কৰে। অৱতৰণৰ পিছত গ্ৰাউণ্ড ষ্টাফে বিমানখন খনৰ পৰা সাপ ডাল উলিয়াই আনে।
Continue Reading
