--°C
Loading...
Listen to Article
3 min read
80%

In Short

  • বাংলাদেশী নাগৰিকৰ দলটোক প্ৰথমে এগৰাকী স্থানীয় ব্যৱসায়ীয়ে প্ৰত্যক্ষ কৰে আৰু আন এগৰাকী লোকৰ সহযোগত আটাইকে গোৱালপাৰা আৰক্ষীক গতাই দিয়ে।

ডিজিটেল ডেস্ক: গুৱাহাটী আৰু শিলচৰৰ পাছত এইবাৰ গোৱালপাৰাত গ্ৰেপ্তাৰ ১২ বাংলাদেশী নাগৰিক। দালালৰ জৰিয়তে মেঘালয়ৰ ডাউকী হৈ ভাৰতত প্ৰৱেশ কৰে এই বাংলাদেশী নাগৰিকৰ দলটো। ডাউকীৰ পৰা গুৱাহাটীলৈ অহাৰ পিছত গোৱালপাৰালৈ পঠিয়াই দিয়ে দালালে।


হাতত ধন নথকাৰ বাবে দলটো যথেষ্ঠ অসুবিধাত পৰে। গোৱালপাৰাত নিগাজিকৈ থকাৰ লক্ষ্যৰে অহা দুটাকৈ বাংলাদেশী পৰিয়ালৰ লোকক বন্দবস্তিৰ ধন নাপাই দালালে এৰি থৈ যায়। গোৱালপাৰা চহৰৰ আমলা টাৱাৰ নামৰ ব্যৱসায়িক অট্টালিকাটোৰ তলত নিশা এৰি থৈ দালালজন আত্মগোপন কৰে। 


বাংলাদেশী নাগৰিকৰ দলটোক প্ৰথমে এগৰাকী স্থানীয় ব্যৱসায়ীয়ে প্ৰত্যক্ষ কৰে আৰু আন এগৰাকী লোকৰ সহযোগত আটাইকে গোৱালপাৰা আৰক্ষীক গতাই দিয়ে। গোৱালপাৰা চহৰৰ যান-বাহন আৰক্ষীয়ে যান-বাহন নিয়ন্ত্ৰণ কক্ষত সোধপোছ কৰাত বাংলাদেশী নাগৰিকৰ দলটোয়ে ভাৰতত নিগাজীকৈ থকাৰ লক্ষ্যৰে এটা পৰিয়াল বাংলাদেশৰ মৌলবী জিলাৰ বৰলেখা থানাৰ অন্তৰ্গত হাছিমপুৰ গাঁৱৰ পৰা অহা বুলি কয়। এই পৰিয়ালটোৰ শিশুসহ মুঠ ৭গৰাকী লোক ভাৰতলৈ আহে। আৰক্ষীৰ আগত দিয়া পৰিচয় মতে চিৰাজুল ইছলাম আৰু জবেদা বেগমৰ সৈতে পাঁচ সন্তান ক্ৰমে মহম্মদ ফাহিম আহমেদ, ৰাহীম আহমেদ, টানিয়া বেগম, ফাহিমা বেগম আৰু আলী হুছেইন।


আনটো, পৰিয়াল বাংলাদেশৰ ছিলেট জিলাৰ সুনমগোঞ্জ থানাৰ পশ্চিম চানপুৰ গাঁৱৰ মহম্মদ আমিৰ আলী আৰু তেওঁৰ দুই পত্নী খুদেজা বেগম আৰু ৰুণেকা আখতাৰৰ সৈতে দুই সন্তান ক্ৰমে ৰাহেন আলী আৰু ইয়াচিন আলী। 


ভাৰতবিৰোধী বিশেষ চক্ৰ এটাই হাজাৰ হাজাৰ বাংলাদেশী নাগৰিকক মেঘালয়ৰ ডাউকী তথা ভিন্ন পথেৰে ভাৰতত প্ৰৱেশ কৰোৱায়। এই চক্ৰটোৰ পৰিকল্পনা মতে ইতিমধ্যে বহু বাংলাদেশী নাগৰিকক অসমৰ উপৰি ভিন্ন ৰাজ্যলৈ প্ৰৱেশ কৰাইছে। এই চক্ৰটোৰ বিৰুদ্ধে ভাৰত চৰকাৰে তাৎক্ষণিক ব্যৱস্থা গ্ৰহণ নকৰিলে উত্তৰ পূৰ্বাঞ্চলৰ জনবিন্যাস আগন্তুক দহ বছৰত সলনি হৈ পৰিব।


FOLLOW US F
POPULAR
FEATURE
TRENDY
হোজাইত বেজালি কৰাৰ নামত মহিলাৰ পৰা লুটিলে সোণ, ৰূপৰ গহনাৰ সৈতে নগদ ধন
খুচুৰা মুদ্ৰাৰ চমক! ৫ বছৰৰ সঞ্চয়েৰে স্কুটি ক্ৰয় চাবুৱাৰ সন্তোষ কুমাৰ শ্বাহৰ
ধৰ্মান্তৰ আৰু দ্বিতীয় বিবাহৰ অভিযোগ; শিলচৰত জীৱিত কন্যাৰ প্ৰতীকী পিণ্ডদান কৰি শ্ৰাদ্ধানুষ্ঠান সম্পন্ন পিতৃৰ
গুৱাহাটীত ১২ নৱেম্বৰত বন্ধ থাকিব পেট্রল পাম্প
সৰ্বকালৰ অভিলেখ ভংগ! এইবাৰ ধনতেৰছত সমগ্র দেশত ১.২৫ লাখ কোটিতকৈ অধিক টকাৰ সামগ্ৰী বিক্রী
পৰকীয়া প্ৰেমৰ ভয়ংকৰ কাণ্ড! পত্নীক চকীত বান্ধি পেট্ৰ’ল ঢালি জীৱন্তে জ্বলাই হ*ত্যা স্বামীৰ
ভাৰতীয় শাস্ত্ৰীয় নৃত্য-সংগীত আৰু সাংস্কৃতিক ঐতিহ্যৰ বৰ্ণিল প্ৰকাশেৰে অনুষ্ঠিত ‘সুৰ সংগম মহোৎসৱ’
বিদ্যুৎ বিলৰ পৰা ৰেহাই পাব জনপ্রতিনিধিয়ে
জীয়াভৰলীত উভৈনদী দুষ্প্রাপ্য শিলঘৰীয়া মাছ
বৰা চাউল জলপানৰ স্বাস্থ্য উপকাৰিতা আৰু পুষ্টিগুণ
নেপালত ভয়ংকৰ ঘটনা! অৱতৰণৰ সময়তে দুখন হেলিকপ্টাৰৰ সংঘৰ্ষ; মৃত্যুক সাবটিলে ভাৰতীয় পৰ্যটকে
চেনিৰ আঁৰত লুকুৱাই অনা ১.২৬ কোটি টকাৰ কফ ছিৰাপ জব্দ কাছাৰ আৰক্ষীৰ; আটক দুজন
সৌৰভ দুৱৰাৰ ‘ফিছিং নেট ইন উইণ্টাৰ মর্নিং’লৈ আন্তর্জাতিক স্বীকৃতি
মাৰাথন সম্পূৰ্ণ কৰি বিজয় পদক হাতত লোৱাৰ পিছতেই হাৰ্ট এটেকত মৃত্যু ছফ্টৱেৰ অভিযন্তাৰ