ডিজিটেল ডেস্কঃ তিব্বতীয় আধ্যাত্মিক নেতা দালাই লামাৰ নিৰাপত্তাৰ ক্ষেত্ৰত গুৰুত্বপূৰ্ণ ভূমিকা পালন কৰা কুকুৰ দুকাই ৭ ফেব্ৰুৱাৰীত অৱসৰ গ্ৰহণ কৰিব । দালাই লামাৰ সুৰক্ষাৰ বাবে কুকুৰটোক মিৰাটৰ সেনা প্ৰশিক্ষণ কেন্দ্ৰৰ পৰা ১.২৩ লাখ টকাত ক্ৰয় কৰা হৈছিল।
১২ বছৰ ধৰি দালাই লামাৰ নিৰপত্তা বিষয়া হিচাবে চাকৰি কৰা দুকাৰ কাৰ্যকালৰ অন্ত পৰিব৷ অৱসৰৰ পিছত কুকুৰটোৱে আন কৰ্মচাৰীয়ে লাভ কৰাৰ দৰেই সকলো চৰকাৰী সা-সুবিধা লাভ কৰিব৷
উল্লেখ্য সকলো প্ৰাণীৰ ভিতৰত, কুকুৰক আটাইতকৈ বিশ্বাসযোগ্য আৰু সৎ সঙ্গী বুলি গণ্য কৰা হয়। কুকুৰৰ সততা মানুহতকৈ বহুত বেছি বুলিও কোৱা হয়।
তিব্বতীয় আধ্যাত্মিক নেতা দালাই লামাৰ নিৰাপত্তাৰ ক্ষেত্ৰত দুকা নামৰ কুকুৰটোৱেও গুৰুত্বপূৰ্ণ ভূমিকা পালন কৰিছে৷ দুকাই ৭ ফেব্ৰুৱাৰীত অৱসৰ ল'ব বুলি প্ৰচাৰ হোৱাৰ পিছতে দালাই লামাৰ মনতো দুখ লাগিছে৷ দুকা এটা লেব্ৰেডৰ প্ৰজাতিৰ কুকুৰ। সাধাৰণতে এনে কুকুৰৰ মূল্য ১০ হাজাৰৰ পৰা ২৫ হাজাৰ টকালৈকে হয়৷ কিন্তু ২০১০ চনত দুকাক ১ লাখ ২৩ হাজাৰ টকাত ক্ৰয় কৰা হৈছিল।
সেই সময়ত দুকাৰ বয়স মাত্ৰ সাত মাহ আছিল।
স্নিফাৰ লেব্ৰেডৰ দুকাই যিকোনো ঠাইলৈ যোৱাৰ আগতে ধৰ্মীয় নেতা দালাই লামাৰ কাৰ্যসূচীত ৰেইকি পৰিৱেশন কৰাত গুৰুত্বপূৰ্ণ ভূমিকা পালন কৰিছিল। গোন্ধ লাভ কৰাত নিখুঁত, দুকাই বিস্ফোৰক পদাৰ্থ বিচাৰি উলিওৱাতো পাৰ্গত আছিল৷ ৭ ফেব্ৰুৱাৰীত অৱসৰৰ পিছতে কাংৰা মেকল'ডগঞ্জ আৰক্ষী লাইনৰ শিৱ মন্দিৰৰ ওচৰত দুকাৰ নিলাম অনুষ্ঠিত হ'ব।
Continue Reading
