ডিজিটেল ডেস্কঃ এবছৰ পাৰ হৈ গ’ল। নতুন অস্কাৰৰ মঞ্চ সাজু হৈছে। অতি সোনকালে আৰম্ভ হ’ব ৯৫ সংখ্যক অস্কাৰ অনুষ্ঠান। কিন্তু যোৱা বছৰ একাডেমী বঁটা প্ৰদান অনুষ্ঠানত সেই জোকাৰণি বিশ্বই পাহৰিব নোৱাৰে।
নতুন অস্কাৰৰ এই পৰিৱেশতে ক্ৰীছ ৰকে পুনৰ পুৰণি বিষয়টো এটা কমেডী শ্ব’ত উত্থাপন কৰিলে। সি ক’লে, উইল স্মিথৰ সেই চৰটোৰ জোকাৰণি তেওঁ এতিয়াও চম্ভালিব পৰা নাই।
১২ মাৰ্চত পুনৰ আয়োজন কৰা হ’ব নতুন অস্কাৰ অনুষ্ঠান। ইয়াৰ পূৰ্বে হঠাতে ক্ৰীছে অ’টিটিৰ এটা খণ্ডত কোৱা শুনা গৈছিল, “নাই, মই ভুক্তভোগী নহয়। কান্দি কান্দি সহানুভূতি পাবলৈও চেষ্টা কৰা নাছিলো। সেয়া কেতিয়াও নহ’ব।”
ইয়াৰ পিছত ক্ৰীছে পোনে পোনে চৰৰ বিষয়টোলৈ উভটি গ’ল। তেওঁ ক'লে, "মোক বিভিন্ন সময়ত বিভিন্ন সাক্ষাৎকাৰত সোধা হৈছে, এতিয়াও মোৰ চৰটো বেয়া লাগে নেকি! মই ক’ম হয়। মোৰ এতিয়াও বিষ হয়। এবছৰৰ পাছতো।”
যোৱা বছৰ অস্কাৰৰ হ’ষ্ট আছিল ক্ৰীছ ৰক। অভিনেতা উইল স্মিথৰ পত্নীক লৈ তেওঁ কৌতুক কৰিছিল। স্মিথে খং কৰি তেওঁক চৰ মাৰিলে। একেখন মঞ্চতে স্মিথে ‘কিং ৰিচাৰ্ড’ ছবিখনৰ শ্ৰেষ্ঠ অভিনেতাৰ অস্কাৰ গ্ৰহণ কৰিবলৈ উঠিছিল। ‘কিং ৰিচাৰ্ড’ ছবিখনৰ বাবে তেওঁক শ্ৰেষ্ঠ অভিনেতাৰ বঁটাৰে সন্মানিত কৰা হয়। কিন্তু চৰটোৰ ফলত সকলো সফলতা তল পৰি যায়।
এই হিংসাত্মক আচৰণৰ বাবে অভিনেতাজনে সকলোৰে ওচৰত ক্ষমা বিচাৰিলে। তেওঁ ক'লে, "মোৰ মাথা ভাল হৈ থকা নাছিল।মই যি কৰিলোঁ সেয়া ঠিক নাছিল।"
ইয়াৰ পিছতো স্মিথে বিভিন্ন সময়ত ক্ৰীছ আৰু তেওঁৰ পৰিয়ালৰ ওচৰত ক্ষমা বিচাৰিছে। ইয়াৰ উপৰিও স্মিথে দহ বছৰৰ বাবে অস্কাৰ সমিতিৰ সদস্য হিচাপে পদত্যাগ কৰে।
Continue Reading
