ডিজিটেল ডেস্কঃ দেশৰ সকলো ৰাজ্যতে বিলাহীৰ আকাশলংঘী মূল্য বৃদ্ধি হৈছে। ১৫ আগষ্টৰ পৰা প্ৰতি কিলোগ্ৰাম বিলাহী ৫০ টকাত উপলব্ধ হ'ব বুলি মোদীৰ চৰকাৰে ঘোষণা কৰিছিল। এতিয়া সেই দাম আৰু কমি গৈছে। মোদীৰ চৰকাৰে জনতাক সকাহ দিবলৈ বিলাহীৰ মূল্য আৰু হ্ৰাস কৰিছে। সেইমৰ্মে 20 আগষ্টৰ পৰা বিলাহী প্ৰতি কিলোগ্ৰামত ৪০ টকাত যোগান ধিব চৰকাৰে।
ৰাষ্ট্ৰীয় সমবায় ক্ৰেতা ফেডাৰেচন (এনচিচিএফ) আৰু ৰাষ্ট্ৰীয় কৃষি সমবায় বিপণন ফেডাৰেশ্যনে (নাফেড) উপভোক্তা পৰিক্ৰমা বিভাগক প্ৰতি কিলোগ্ৰামত ৪০ টকাত বিলাহী বিক্ৰী কৰিবলৈ নিৰ্দেশ দিছে। দৰাচলতে, পাইকাৰী বজাৰত বিলাহীৰ মূল্য হ্ৰাস হোৱা আৰম্ভ হৈছে। সেইকাৰণে কেন্দ্ৰই এই পদক্ষেপ গ্ৰহণ কৰিছে। চৰকাৰে আশা কৰিছে যে যদিও বিলাহীৰ মূল্য প্ৰতি কিলোগ্ৰামত প্ৰায় ৩০০ টকালৈ বৃদ্ধি পাইছে, এনে পদক্ষেপে মধ্যবিত্ত শ্ৰেণীক যথেষ্ট সকাহ দিব।
চৰকাৰৰ মতে দেশৰ বহু চহৰত বিলাহীৰ মূল্য হ্ৰাস পাইছে। জুলাই মাহত, মোদী চৰকাৰে বিলাহীৰ মূল্যৰ ওপৰত ৰাজসাহায্য হ্ৰাস কৰাৰ সিদ্ধান্ত লয়। ইয়াৰ ফলত দিল্লী-এনচিআৰত বিলাহীৰ মূল্য প্ৰতি কিলোগ্ৰামত ৮০-৯০ টকালৈ হ্ৰাস পায়। ২০ জুলাইৰ পৰা জয়পুৰ, কোটা, লক্ষ্ণৌ, কানপুৰ, বাৰাণসী, প্ৰয়াগৰাজ, পাটনা, মুজাফ্ফৰপুৰ, আৰাহ আদিৰ দৰে চহৰত এক কিলোগ্ৰাম বিলাহী ৭০ টকাত উপলব্ধ হৈছে। এতিয়া কাইলৈৰ পৰা প্ৰতি কিলোগ্ৰাম বিলাহীত চৰকাৰী মূল্য হ’ব ৪০ টকাত । মোদীৰ চৰকাৰৰ মতে বজাৰত যোগান বৃদ্ধি হ'লে বিলাহীৰ মূল্যও হ্ৰাস পাব।
Continue Reading
