ডিজিটেল ডেস্কঃ ১২৫ বছৰীয়া কাছ চাণক্যৰ মৃত্যু। হায়দৰাবাদৰ বিখ্যাত নেহৰু প্ৰাণীবিজ্ঞান উদ্যানত থকা বৃদ্ধ কাছ চাণক্যৰ মৃত্যুত গভীৰ শোকপ্ৰকাশ পশুপ্ৰেমীৰ।
উদ্যানৰ বিষয়াসকলে জনোৱা মতে, বয়সৰ লগত জড়িত জটিলতাৰ বাবেই ১২৫ বছৰীয়া চাণক্যৰ মৃত্যু হয়। চাণক্যই যোৱা ১০ দিন ধৰি খাদ্য খোৱা বন্ধ কৰি দিছিল। ইয়াৰ পিছত চিৰিয়াখানাৰ বিষয়াসকল চিন্তিত হৈ পৰে। চিৰিয়াখানা উদ্বোধনৰ পিছৰে পৰা চাণক্য আছিল ৰাইজৰ আকৰ্ষণৰ প্ৰধান কেন্দ্ৰ।
চিৰিয়াখানাৰ বিষয়াসকলে জনোৱা মতে, চাণক্যৰ মিঠা আলু আৰু পালেং শাকৰ প্ৰতি অতি আকৰ্ষণ আছিল যদিও যোৱা কেইদিনমানৰ পৰা সি একো খোৱা নাছিল। শনিবাৰে পুৱা যেতিয়া চিৰিয়াখানাৰ কৰ্মচাৰীয়ে চাণক্য থকা স্থান চাফা কৰিবলৈ গৈছিল তেতিয়া তেওঁলোকে গম পাইছিল যে শুই থকা অৱস্থাতে চাণক্যৰ মৃত্যু হৈছে।
১৯৬৩ চনত নামপালীৰ ৰাজহুৱা উদ্যান (বাঘ-ই-আম)ৰ পৰা চাণক্যক অনা হৈছিল। ইয়াৰ পাছত হায়দৰাবাদ চিৰিয়াখানা কাছটোৰ ঘৰ হৈ পৰিল। চিৰিয়াখানা স্থাপনৰ পূৰ্বে ৰাজহুৱা উদ্যানত জীৱ-জন্তুৰ আৱৰণ আছিল। হায়দৰাবাদৰ আটাইতকৈ পুৰণি উদ্যানখন হায়দৰাবাদৰ সপ্তম নিজামে নিৰ্মাণ কৰিছিল।
পোষ্টমৰ্টেম ৰিপ’ৰ্টত কি ওলাল?
চাণক্যৰ প্ৰাৰম্ভিক মৰণোত্তৰ প্ৰতিবেদনত একাধিক অংগ বিকল হোৱাৰ বাবে কাছটোৰ মৃত্যু হোৱা বুলি জানিব পৰা গৈছে। পশু চিকিৎসা জৈৱিক আৰু গৱেষণা প্ৰতিষ্ঠান আৰু ৰাজেন্দ্ৰনগৰৰ পশু চিকিৎসা মহাবিদ্যালয়লৈ এই নমুনাসমূহ অধিক পৰীক্ষাৰ বাবে প্ৰেৰণ কৰা হৈছে।
গালাপাগোছ কাছ প্ৰজাতিৰ আছিল চাণক্য। ই হৈছে আটাইতকৈ ডাঙৰ কাছৰ প্ৰজাতি। চাৰ্লছ ডাৰউইনৰ ‘প্ৰজাতিৰ বিৱৰ্তন’ তত্ত্বত এনে প্ৰজাতিৰ অৱদানৰ বাবে জনাজাত।
Continue Reading
