ডিজিটেল ডেস্কঃ যোৱা কেইমাহমানত আপৰ সাংসদ ৰাঘৱ চাদ্দা আৰু অভিনেতা পৰিনীতি চোপ্ৰাক কেইবাবাৰো একেলগে দেখা পোৱাৰ ফলত সম্পৰ্কৰ উৰাবাতৰিত ইন্ধন যোগাইছে। তেওঁলোকৰ এংগেজমেণ্ট আৰু বিয়াক লৈ কেইবাটাও উৰাবাতৰি ওলাইছে আৰু শেহতীয়াকৈ প্ৰকাশ পোৱা প্ৰতিবেদন অনুসৰি ১৩ মে’ত এই দম্পতীহালৰ এংগেজমেণ্ট হ’ব।
খবৰ অনুসৰি অহা ১৩ মে’ত নতুন দিল্লীত পৰিনীতি আৰু ৰাঘৱৰ এংগেজমেণ্ট হ’ব। এংগেজমেণ্ট সন্দৰ্ভত আন কোনো তথ্য পোৱা নাই যদিও পূৰ্বে অক্টোবৰ মাহত তেওঁলোকৰ বিবাহ হ’ব বুলি খবৰ ওলাইছিল।
যদিও দম্পতীহালে নিজৰ সম্পৰ্কৰ অৱস্থা গোপন কৰি ৰাখিছে, তথাপিও পৰিনীতিৰ সহ অভিনেতা হাৰ্ডি সন্ধুয়ে তেওঁলোকৰ সম্পৰ্ক নিশ্চিত কৰিছে আনকি অভিনন্দনও জনাইছে। ৰাজ্যসভাৰ সদস্য সঞ্জীৱ অৰোৰাই টুইটাৰযোগে দুয়োকে অভিনন্দন জনায়।
লাইফষ্টাইল এছিয়া ইণ্ডিয়াৰ সৈতে হোৱা এক সাক্ষাৎকাৰত পৰিনীতিয়ে শেহতীয়াকৈ সংবাদ মাধ্যমত তেওঁৰ ব্যক্তিগত জীৱনৰ ওপৰত চৰ্চা লাভ কৰাৰ বিষয়ে মন্তব্য কৰে। অভিনেতাগৰাকীয়ে কয় যে তেওঁ মনোযোগক তেওঁৰ কৃতিত্বৰ অংশ হিচাপে লয়।
কৰ্মক্ষেত্ৰত পৰিনীতি চোপ্ৰাই ২০২২ চনত দুখন ছবিত অভিনয় কৰিছিল- "উনচাই" আৰু "ক'ড নেম তিৰংগা"।
মাত্ৰ ইমতিয়াজ আলীৰ ‘চামকিলা’ৰ শ্বুটিং শেষ কৰিলে, য’ত তেওঁ দিলজিৎ দোছাঞ্জৰ সৈতে সহ অভিনয় কৰিছে। অক্ষয় কুমাৰে অভিনয় কৰা যশৱন্ত সিং গিলৰ বায়’পিকতো অভিনয় কৰিব অভিনেত্ৰীগৰাকীয়ে।
Continue Reading
