চিল্ক স্মিথাৰ জীৱন বলীউডৰ চুপাৰহিট ছবি ‘দ্য ডাৰ্টি পিকচাৰ’ৰ ওপৰত আধাৰিত৷ এই ছবিখনত বলীউডৰ ছুপাৰহিট অভিনেত্ৰী বিদ্যা বালানে স্মিথৰ চৰিত্ৰত অভিনয় কৰিছে৷
ডিজিটেল ডেস্ক :
'ডাৰ্টি পিকচাৰ'- এখন সবাতোকৈ জনপ্ৰিয় হিন্দী চলচিত্ৰ৷ এই ছবিখন ২০১১ চনৰ ২ ডিচেম্বৰত শুভমুক্তি লাভ কৰিছিল৷ ছবিখন মুক্তি লাভ কৰাৰ পাছৰে পৰাই দৰ্শকৰ আগত সিমানেই জনপ্ৰিয় হৈ আছে৷ এই ছবিখনৰ আধাৰিত আছিল চিল্ক স্মিথাৰ জীৱনৰ ওপৰত৷ চিল্ক স্মিথা হৈছে তামিল চলচ্চিত্ৰৰ এগৰাকী অভিনেত্ৰী৷ তেওঁ সদায় তেওঁৰ ব'ল্ড আৰু গ্লেমাৰ আণ্ডাজৰ বাবে জনপ্ৰিয়তা লাভ কৰিছিল৷ বহু লোকে চিল্কৰ জীৱনৰ বিষয়ে জানিছিল৷ বহুলোকে এতিয়াও গ্লেমাৰাছ চিল্ক স্মিথাৰ বিষয়ে জানিব বিচাৰে৷ চিল্ক স্মিথাৰ জীৱন বলীউডৰ চুপাৰহিট ছবি ‘দ্য ডাৰ্টি পিকচাৰ’ৰ ওপৰত আধাৰিত৷ এই ছবিখনত বলীউডৰ ছুপাৰহিট অভিনেত্ৰী বিদ্যা বালানে স্মিথৰ চৰিত্ৰত অভিনয় কৰিছে৷ এই ছবিখনৰ জৰিয়তে চিল্কৰ জীৱনৰ সকলো দিশ সামৰি লোৱা দেখিবলৈ পোৱা গৈছিল৷ এই ছবিখনৰ মুক্তিৰ পাছত চিল্ক স্মিথাই আকৌ এবাৰ শিৰোনাম দখল কৰে৷
চিল্ক স্মিথাৰ জন্ম ১৯৬০ চনৰ ডিচেম্বৰত হৈছিল। তেওঁৰ জন্ম
অন্ধ্ৰপ্ৰদেশৰ কোবলি গাঁৱৰ এটি দৰিদ্ৰ পৰিয়ালত হৈছিল৷ দৰিদ্ৰতাৰ বাবে কোনোমতে চতুৰ্থ শ্ৰেণীলৈ শিক্ষাগত অৰ্হতা লাভ কৰিবলৈ সক্ষম হয় তেওঁ৷ ১৪ বছৰ বয়সত পৰিয়ালৰ হেঁচাত বিবাহপাশত আবদ্ধ হ'বলগীয়া হয় চিল্ক৷ কিন্তু তেওঁৰ স্বামীয়েও তেওঁক প্ৰতাৰণা কৰিছিল৷ ফলস্বৰূপে চিল্কে স্বামীৰ ঘৰ এৰি দূৰৱৰ্তী খুড়ীয়েকৰ ঘৰলৈ গুচি গ'ল৷ চিল্কৰ নিজৰ ঘৰখনো ইমানেই দৰিদ্ৰ আছিল যে তেওঁ পুনৰ সেই ঘৰখনলৈ উভতি যাব নোৱাৰিলে৷
যাৰ ফলত চেন্নাইত খুৰীয়েকৰ ঘৰতে থাকিবলৈ লৈছিল চিল্কে৷ কিন্তু তাত পইচাৰৰ অভাৱত দিনটো কটাবলৈও কঠিন হৈছিল চিল্কৰ৷ তেওঁৰ খুৰীয়েকে চিল্কক চলচ্চিত্ৰ উদ্যোগলৈ যোৱাৰ পথ দেখুৱাইছিল৷ তাৰ পাছত তেওঁ এগৰাকী টাচআপ অভিনেত্ৰী হিচাপে কাম কৰিবলৈ আৰম্ভ কৰিছিল৷ তেতিয়া তেওঁ সৰু চৰিত্ৰ এটাত অভিনয় কৰাৰ সুযোগ লাভ কৰিছিল৷ চিল্ক স্মিথাৰ প্ৰকৃত নাম আছিল বিজয়লক্ষ্মী বদলাপটলা৷ ছবিখনত তেওঁৰ নাম স্মিতালৈ সলনি কৰা হৈছিল৷ তাৰ পাছত চিল্ক স্মিথাই ‘বণ্ডিছ’ ছবিখনত এগৰাকী বাৰ গাৰ্লৰ চৰিত্ৰত অভিনয় কৰি সকলোৰে দৃষ্টি আকৰ্ষণ কৰিছিল৷ সকলোৱে চিল্কৰ চৰিত্ৰক আঁকোৱালি লয়৷ তেতিয়াৰ পৰাই চিল্কৰ নাম সকলোৰে মুখে মুখে৷ তাৰ পাছত তেওঁ কেতিয়াও পিছলৈ ঘূৰি চাবলগীয়া হোৱা নাই।
স্মিথাই শৈশৱ অতি দৰিদ্ৰতাৰে অতিবাহিত কৰিছিল৷ চিল্কে অভিনয় জগতত ভৰি দিয়াৰ পাছত তেওঁৰ সাহস আৰু সৌন্দৰ্যই দৰ্শকৰ হৃদয় আকৰ্ষণ কৰিছিল৷ তেওঁ লাখ লাখ দৰ্শকৰ হৃদয়ৰ স্পন্দন হৈ পৰিছিল৷ চিল্ক এগৰাকী অতি আড়ম্বৰপূৰ্ণ আৰু ব'ল্ড অভিনেত্ৰী আছিল৷ বিভিন্ন চলচ্চিত্ৰত তেওঁ লয়লাসে অনুৰাগীৰ মন জয় কৰিছিল৷
