ডিজিটেল ডেস্কঃ আমেৰিকালৈ প্ৰথমবাৰৰ বাবে ষ্টেট ভিজিট কৰা প্ৰধানমন্ত্ৰী নৰেন্দ্ৰ মোডী আজি হোয়াইট হাউছত উপস্থিত হয়। তেওঁক উষ্ম আদৰণি জনায় জ’ বিডেনে।
বিডেনক ধন্যবাদ জনাই মোদীয়ে কয়- "হোৱাইট হাউছৰ এই আদৰণি ১৪০ কোটি ভাৰতীয়ৰ বাবে এক সন্মান আৰু গৌৰৱ। আমেৰিকাৰ ভাৰতীয় সম্প্ৰদায়ৰ বাবেও এয়া এক সন্মান"।
ভাষণৰ সময়ত প্ৰধানমন্ত্ৰীয়ে ৩০ বছৰ পূৰ্বে আমেৰিকা ভ্ৰমণৰ সময়ত প্ৰথমবাৰৰ বাবে হোৱাইট হাউছ দেখাৰ কথাও স্মৰণ কৰে। হোয়াইট হাউছৰ দক্ষিণ লনত সমবেত হোৱা ৰাইজৰ উল্লাসৰ মাজতে কেইবাটাও মন্তব্য কৰে প্ৰধানমন্ত্ৰী মোদীয়ে।
কয়- ''প্ৰায় তিনি দশকৰ আগতে মই এজন সাধাৰণ মানুহ হিচাপে আমেৰিকা ভ্ৰমণ কৰিছিলো।তেতিয়া মই বাহিৰৰ পৰা হোৱাইট হাউছ দেখিছিলো। প্ৰধানমন্ত্ৰী হোৱাৰ পিছত মই ইয়ালৈ বহুবাৰ আহিছো। কিন্তু, প্ৰথমবাৰৰ বাবে ইমান বৃহৎ সংখ্যক ভাৰতীয় সম্প্ৰদায়ৰ বাবে হোৱাইট হাউচৰ দুৱাৰ মুকলি কৰা হৈছে।’’
আনহাতে নিজৰ ভাষণৰ সময়ত ৰাষ্ট্ৰপতি বাইডেনে আমেৰিকা আৰু ভাৰতৰ মাজৰ সম্পৰ্ক একবিংশ শতিকাৰ অন্যতম গুৰুত্বপূৰ্ণ সম্পৰ্ক বুলি বৰ্ণনা কৰে।
Continue Reading
