ডিজিটেল ডেস্কঃ বৃহস্পতিবাৰে আমেৰিকাৰ প্ৰাক্তন ৰাষ্ট্ৰপতি বাৰাক ওবামাই কয় যে যদি ভাৰতত সংখ্যালঘুৰ অধিকাৰ সুৰক্ষিত নহয় তেন্তে দেশখন বিভক্ত হোৱাৰ সম্ভাৱনা আছে। চিএনএনৰ সৈতে হোৱা এক সাক্ষাৎকাৰত এই মন্তব্য কৰে ওবামাই।
উল্লেখ্য যে বৰ্তমান গ্ৰীচৰ এথেন্সত আছে ওবামা। সাক্ষাৎকাৰটোত ওবামাই কয় যে, “আমেৰিকা আৰু সমগ্ৰ বিশ্বৰ গণতান্ত্ৰিক প্ৰতিষ্ঠানসমূহ সোপাঢিলা হৈ পৰিছে।”
ওবামাই কয় যে উচ্চ পৰ্যায়ৰ সামাজিক বা অৰ্থনৈতিক বৈষম্যৰ সৈতে কোনো গণতন্ত্ৰই লাভৱান হ’ব নোৱাৰে। ভাৰতৰ প্ৰধানমন্ত্ৰী নৰেন্দ্ৰ মোদীয়ে স্বৈৰাচাৰীতাবাদৰ দিশে আগবঢ়াৰ সন্দৰ্ভত এক প্ৰশ্নৰ উত্তৰত ওবামাই কয় যে, “ভাৰতীয় গণতন্ত্ৰক লৈ উদ্বেগ উত্থাপন কৰাটোও কূটনৈতিক কথা-বতৰাত প্ৰৱেশ কৰিব লাগিব।”
‘মোৰ যুক্তিৰ এটা অংশ হ’ব যে যদি মোদীয়ে ভাৰতত সংখ্যালঘু জনগোষ্ঠীৰ অধিকাৰ সুৰক্ষিত নকৰে, তেন্তে ভাৰতে কোনো এটা সময়ত বিভক্ত হোৱাৰ সম্ভাৱনা প্ৰবল। আৰু আমি দেখিছো যেতিয়া সেই ধৰণৰ বৃহৎ আভ্যন্তৰীণ সংঘাতৰ সন্মুখীন হ’বলৈ আৰম্ভ কৰে তেতিয়া কি হয়।’’
প্ৰধানমন্ত্ৰী নৰেন্দ্ৰ মোদীয়ে আমেৰিকালৈ ৰাজ্যিক ভ্ৰমণলৈ গৈ বৃহস্পতিবাৰে ৰাষ্ট্ৰপতি জো বাইডেনৰ সৈতে আলোচনাত মিলিত হয়। আমেৰিকাৰ কংগ্ৰেছৰ যৌথ অধিৱেশনতো ভাষণ দিব মোদীয়ে।
Continue Reading
