ডিজিটেল ডেস্কঃ হায়দৰাবাদৰ ৰাহুল সিঙে ভাৰতৰ প্ৰথম শ্ৰেণীৰ ক্ৰিকেটত এক নজিৰ গঢ়িছে। নাগালেণ্ডৰ বিৰুদ্ধে ৰঞ্জি ট্ৰফীৰ খেলত তেওঁ ভাৰতৰ দ্বিতীয় দ্ৰুততম দ্বৈত শতক অৰ্জন কৰে। অৱশ্যে ৰবি শাস্ত্ৰীৰ ৩৯ বছৰীয়া দ্ৰুততম দ্বৈত শতকৰ অভিলেখ অক্ষত অৱস্থাত আছে।
নাগালেণ্ডৰ অধিনায়ক ৰংচেন জনাথনে টছত জয়লাভ কৰি শুকুৰবাৰে প্ৰথমে ফিল্ডিং কৰাৰ সিদ্ধান্ত লয়। এই সুযোগতে ৰাহুলে প্ৰথমে বেটিং কৰে। তিলক ভাৰ্মাৰ দলটোৱে ৮ ৰানত ১ উইকেট হেৰুৱাই তিনি নম্বৰ স্থানত বেটিং কৰিবলৈ আহিছিল ৰাহুলে। ২৮ বছৰীয়া বাওঁহাতৰ বেটছমেনগৰাকীয়ে দলৰ ইনিংছত নেতৃত্ব দিয়ে।
আৰম্ভণিৰে পৰাই ৰাহুলে আক্ৰমণাত্মক বেটিং আৰম্ভ কৰিছিল। নাগালেণ্ডৰ বলাৰসকলে তেওঁক অসুবিধা দিব নোৱাৰিলে। ১৪৩টা বলত তেওঁ নিজৰ দ্বৈত শতক সম্পূৰ্ণ কৰে। যিটো ভাৰতৰ প্ৰথম শ্ৰেণীৰ ক্ৰিকেটত দ্বিতীয় দ্ৰুততম দ্বৈত শতক।
দ্ৰুততম দ্বৈত শতক অৰ্জনৰ অভিলেখ ভাৰতীয় দলৰ প্ৰাক্তন প্ৰশিক্ষক ৰবি শাস্ত্ৰীৰ হাতত। ১৯৮৪-৮৫ ছিজনত বৰোদাৰ বিৰুদ্ধে মুম্বাইৰ হৈ ১২৩ ৰানেৰে দ্বৈত শতক সম্পূৰ্ণ কৰে। সেইটোৱেই হৈছে প্ৰথম শ্ৰেণীৰ ক্ৰিকেটত ভাৰতীয় ক্ৰিকেটাৰৰ আটাইতকৈ দ্ৰুততম দ্বৈত শতক। যিটো ২০টা বলৰ বাবে অক্ষত অৱস্থাত থাকিল।
অৱশেষত নাগালেণ্ডৰ বিৰুদ্ধে ৰাহুলে ২১৪ ৰান সংগ্ৰহ কৰে। ১৫৭ বলৰ ইনিংছত তেওঁ ২৩টা চাৰি আৰু ৯টা ছয় কৰে। তিলকেও ১০০ ৰানেৰে অপৰাজিত হৈ থাকে।
তেওঁ এদশক পূৰ্বে হায়দৰাবাদৰ হৈ ৫০ অভাৰৰ মেচ খেলিছিল যদিও এইবাৰ প্ৰথম শ্ৰেণীৰ মেচ খেলিছে। যদিও তেওঁৰ ৰঞ্জী ট্ৰফীত ৪৩খন খেল খেলাৰ অভিজ্ঞতা আছে। হায়দৰাবাদৰ হৈ ৰাষ্ট্ৰীয় পৰ্যায়ৰ ক্ৰিকেটত অভিষেক ঘটালেও ৰাহুলে চাকৰিৰ বাবে ইমান দিন চাৰ্ভিচেছৰ হৈ খেলিছিল। ৰাজ্যৰ হৈ প্ৰথমখন ৰঞ্জী মেচত ডাবল শতক অৰ্জন কৰিলে তেওঁৰ সুখ আৰু অধিক। প্ৰথম শ্ৰেণীৰ ক্ৰিকেটত ৰাহুলৰ এয়া প্ৰথম ডাবল চেঞ্চুৰী ইনিংছ।
Continue Reading
