ডিজিটেল ডেস্কঃ ছান ফাৰ্মাৰ প্ৰতিষ্ঠাপক তথা পৰিচালন সঞ্চালক দিলীপ ছাংঘৱী স্বাস্থ্য উদ্যোগৰ এক সুপৰিচিত নাম। তেওঁ এজন ভাৰতীয় কোটিপতি ব্যৱসায়ী আৰু দেশৰ অন্যতম ধনী ব্যক্তি। ছাইৰাচ পুনাৱালাৰ পিছতে দ্বিতীয় ধনী ফাৰ্মা কোটিপতি। ১৯৮৩ চনত তেওঁ ছান ফাৰ্মাচিউটিকেল ইণ্ডাষ্ট্ৰীজ প্ৰতিষ্ঠা কৰি ঔষধ প্ৰস্তুত আৰম্ভ কৰে। দিলীপে নিজৰ ব্যৱসায় আৰম্ভ কৰিবলৈ ফাৰ্মাচিউটিকেল বিতৰণকৰ্তা পিতৃৰ পৰা ২০০ ডলাৰ ঋণ লৈছিল।
ফৰ্বছৰ তথ্য অনুসৰি ২০২৩ চনৰ ১৯ জুলাইলৈকে দিলীপৰ সম্পত্তিৰ পৰিমাণ ১৭.৮ বিলিয়ন ডলাৰ (প্ৰায় ১,৪৬,০৯০ কোটি টকা)।আলোচনীখনৰ মতে ১৯ জুলাইলৈকে আটাইতকৈ ধনী ব্যক্তিৰ তালিকাত তেওঁ ৯৭ নম্বৰ স্থানত আছে। ২০১৬ চনত তেওঁ ভাৰতৰ দ্বিতীয় ধনী ব্যক্তি আছিল।
১৯ জুলাইলৈকে ২.৬ ট্ৰিলিয়ন টকা (২,৬০,০০০ কোটি টকা) বজাৰ মূলধন থকা ছান ফাৰ্মাচিউটিকেল ইণ্ডাষ্ট্ৰীজৰ প্ৰতিষ্ঠাপক আৰু পৰিচালন সঞ্চালক দিলীপ।১৯ জুলাই বুধবাৰে তেওঁৰ কোম্পানীটোৰ এটা শ্বেয়াৰৰ মূল্য আছিল ১,০৮৫.৫০ টকা।
ছান ফাৰ্মা এডভান্সড ৰিচাৰ্চ কোম্পানী লিমিটেডৰ অধ্যক্ষ আৰু শান্তিলাল ছাংঘৱী ফাউণ্ডেচনৰ অধ্যক্ষও। ২০১৬ চনত ভাৰত চৰকাৰে পদ্মশ্ৰী সন্মানেৰেও তেওঁক সম্বৰ্ধনা জনায়। জৈন পৰিয়ালৰ দিলীপ ছাংঘৱীৰ জন্ম হৈছিল গুজৰাটৰ সৰু চহৰ আমৰেলীত। দিলীপ শান্তিলাল ছাংঘৱী আৰু কুমুদ ছাংঘৱীৰ পুত্ৰ।
Continue Reading
