ডিজিটেল ডেস্কঃ মোবাইল ফোন বৰ্তমান প্ৰজন্মৰ হিয়াৰ নিচেই কাষৰ৷কিছুমানে ফোনটো নিজৰ পৰা আঁতৰ কৰিব নিবিচাৰে৷ শেহতীয়াকৈ পোহৰলৈ আহিছে তেনে এক ঘটনা৷অত্যধিক ফোন ব্যৱহাৰৰ বাবে অভিভাৱকৰ লগত বাক-বিতণ্ডা হোৱা এগৰাকী যুৱতীয়ে চিত্ৰকূট জলপ্ৰপাতত জপিয়াই দিয়ে৷পৰৱৰ্তী সময়ত যুৱতীগৰাকীক উদ্ধাৰ কৰা হয়৷
অত্যধিক মোবাইল ফোন ব্যৱহাৰৰ বাবে পিতৃ-মাতৃয়ে ধমকি দিয়াৰ পাছতে এগৰাকী ২১ বছৰীয়া মহিলাই আত্মহত্যাৰ চেষ্টা চলাইছিল।উল্লেখ্য যে, মঙলবাৰে ছত্তীশগড়ৰ সুকমাত এই ঘটনা সংঘটিত হয়৷
সৰস্বতী মৌৰ্য নামৰ মহিলাগৰাকীয়ে ‘মিনি নায়াগ্ৰা’ নামেৰেও পৰিচিত চিত্ৰকূট জলপ্ৰপাতত জপিয়াই পৰে। অৱশ্যে তাই কি কাম কৰিলে সেইটো বুজি পোৱাৰ পাছত অলপ সময়ৰ ভিতৰতে সাঁতুৰি নিৰাপদ স্থানলৈ উভতি যাবলৈ চেষ্টা কৰে।
চিত্ৰকূট থানাৰ ভাৰপ্ৰাপ্ত বিষয়া তামেশ্বৰ চৌহানে কয় যে সৰস্বতী মৌৰ্যই চিত্ৰকোটে জলপ্ৰপাতত উপস্থিত হৈ ওপৰৰ পৰা জপিয়াই দিয়ে৷তাত উপস্থিত থকা আন লোকসকলে তাইক ৰখাবলৈও কেইবাবাৰো চেষ্টা কৰিছিল যদিও সকলো প্ৰচেষ্টা বিফল হয়।অৱশ্যে পাছত মহিলাগৰাকীক সুৰক্ষিতভাৱে উদ্ধাৰ কৰা হয়৷
