১৭ বছৰীয়া কিশোৰে আৱিষ্কাৰ কৰিলে মাইকী ৰবট, পানী আনিব পৰাৰ লগতে পৰিৱেশন কৰে খাদ্য

ডিজিটেল ডেস্ক : অলপদিনৰ আগতে গোৱাৰ এজন দৈনিক কৰ্মীয়ে সকলোকে আচৰিত কৰি নিজৰ প্ৰতিবন্ধী কন্যাৰ বাবে এটা ৰবট সাজি উলিয়ালে, যিয়ে তাইৰ যত্ন লয়। এইবাৰ কেৰালাৰ এজন ১৭ বছৰীয়া কিশোৰে নিজৰ প্ৰতিভাৰে এটা মহিলা ৰবট সাজি উলিয়ালে, যিয়ে সকলো কাম নিয়াৰীকৈ পালন কৰাৰ লগতে তেওঁক খাদ্য-পানীও পৰিৱেশন কৰে।

 ইয়াক বনোৱাৰ ধাৰণাটো কেনেকৈ আহিল?

দৰাচলতে কেৰালাৰ কান্নুৰ জিলাত বাস কৰা এই কিশোৰজনৰ নাম মহম্মদ শ্বিয়াদ আৰু তেওঁৰ বয়স মাত্ৰ ১৭ বছৰ। সংবাদ মাধ্যমৰ বাতৰি অনুসৰি এই ৰবটটো বনোৱাৰ ধাৰণাটো কিশোৰজনৰ মনলৈ আহিছিল, যেতিয়া তেওঁ কৰ’নাৰ সময়ছোৱাত মাকক সহায়ৰ কথা ভাবিছিল।

 প্ৰায় দহ হাজাৰ টকা-

ইয়াৰ পাছত তেওঁ কাম আৰম্ভ কৰিলে। ইফালে কিশোৰজনৰ এটা স্কুল প্ৰজেক্ট পাইছিল আৰু তেওঁ এই প্ৰজেক্টটোৰ অধীনত এই ৰবটটো বনাইছিল। প্লাষ্টিক, এলুমিনিয়ামৰ শ্বীট, মাইকী ডামি, চাৰ্ভিং প্লেট আদি ব্যৱহাৰ কৰি ৰবটটো তৈয়াৰ কৰা হৈছিল। তেওঁ নিজেই জনাইছে যে ৰবটটোত এটা আল্ট্ৰাছ’নিক চেন্সৰ স্থাপন কৰা হৈছে। এই চেন্সৰৰ জৰিয়তে ইয়াক চলোৱা আৰু নিয়ন্ত্ৰণ কৰা হয়। বনাবলৈ প্ৰায় দহ হাজাৰ টকা ব্যয় হৈছিল।

 ৰবটটোৰ নাম পাথুতি-

তেওঁ কয় যে ৰবটে মাকক সকলো কামতে সহায় কৰে। ইয়াৰ নাম পাথুতি ৰখা হৈছে আৰু ছোৱালীৰ সাজ-পোছাকেৰে ৰবটোক সজাই তোলা হৈছে। এই ৰবটে পাকঘৰৰ সকলো কাম কৰাৰ উপৰি পানীও আনে। ছ’চিয়েল মিডিয়াত ভাইৰেল হৈ পৰিছে এই ৰবটৰ বহু ছবি।