ডিজিটেল ডেস্কঃ গুৱাহাটী দবা একাডেমীয়ে আৰ জি বৰুৱা পথত অৱস্থিত একাডেমী চৌহদত আয়োজন কৰা দেওবৰীয়া ৰেপিড দবাত (১৭ সংখ্যক সংস্কৰণ) নলীনাক্ষ কাশ্যপে বিজয়ীৰ সন্মান লাভ কৰিছে। নলীনাক্ষই ৬ ৰাউণ্ডৰ খেলত অবিজিত থাকি ৫.৫ পইণ্ট সংগ্ৰহ কৰি খিতাপ অৰ্জন কৰে। প্ৰকাশ নাথে সম সংখ্যক ৰাউণ্ডৰ পৰা ৫ পইণ্ট সংগ্ৰহ কৰি দ্বিতীয় স্থান লাভ কৰে। অথৰ্ব মহন্ত, শুভাংগ প্ৰাণ কাশ্যপ আৰু নিভৃতি গোস্বামীয়েও ৫ পইণ্টকৈ লাভ কৰে যদিও টাইব্ৰেক স্কৰৰ ভিত্তিত ক্ৰমে তৃতীয়, চতুৰ্থ আৰু পঞ্চম স্থান লাভ কৰে।
নৱিষ্টা হাজৰিকাক প্ৰতিযোগিতাৰ শ্ৰেষ্ঠ ছোৱালীজনী ঘোষণা কৰা হয়। নৱিষ্টাই ৪ পইণ্ট সংগ্ৰহ কৰিছিল। অনুৰ্দ্ধ ৭ বছৰ শাখাত হৃয়াংশ ডেকাই ৩ পইণ্ট অৰ্জন কৰি প্ৰথম স্থান অধিকাৰ কৰে। আকাক্ষা কলিতা আৰু চাৰ্ভী শ্ৰী বৰ্মন উভয়েই ২ পইণ্টকৈ সংগ্ৰহ কৰে যদিও টাইব্ৰেক স্কৰৰ ভিত্তিত ক্ৰমে দ্বিতীয় আৰু তৃতীয় স্থান লাভ কৰে।
অনুৰ্দ্ধ ৯ বছৰ শাখাত ধান্যতা গোস্বামীয়ে ৩ পইণ্ট সংগ্ৰহ কৰি প্ৰথম স্থান লাভ কৰে। ধিঢ়ান গোস্বামী আৰু আব্ৰি নাল্য বৰাইও ৩ পইণ্টকৈ সংগ্ৰহ কৰে যদিও টাইব্ৰেক স্কৰৰ ভিত্তিত ক্ৰমে দ্বিতীয় আৰু তৃতীয় স্থান লাভ কৰে।
অনুৰ্দ্ধ ১১ বছৰ শাখাত মনি শংকৰ বায়নে ৪ পইণ্ট সংগ্ৰহ কৰি প্ৰথম স্থান লাভ কৰে। টানিষ্ক ঠাকুৰীয়াইও ৪ পইণ্ট সংগ্ৰহ কৰে যদিও টাইব্ৰেক স্কৰৰ ভিত্তিত দ্বিতীয় স্থান লাভ কৰে। আহান প্ৰসাদ কাশ্যপে ৩.৫ পইণ্ট সংগ্ৰহ কৰি তৃতীয় স্থান লাভ কৰে।
অনুৰ্দ্ধ ১৩ বছৰ শাখাত জয়ৰাজ বৰ্মনে ৪ পইণ্ট সংগ্ৰহ কৰি প্ৰথম স্থান লাভ কৰে। নিবিৰ নিলয় বৈশ্যই ৩.৫ পইণ্ট সংগ্ৰহ কৰি দ্বিতীয় আৰু অংকীপন কলিতাই ২ পইণ্ট সংগ্ৰহ কৰি তৃতীয় স্থান লাভ কৰে।
অনুৰ্দ্ধ ১৫ বছৰ শাখাত প্ৰিয়ানুজ দাসে ৪.৫ পইণ্ট সংগ্ৰহ কৰি প্ৰথম স্থান লাভ কৰে। প্ৰিয়ুষ প্ৰীতম মছৰঙে ৪ পইণ্ট সংগ্ৰহ কৰি দ্বিতীয় স্থান লাভ কৰে। কৃতাৰ্থ শইকীয়াইও ৪ পইণ্ট সংগ্ৰহ কৰে যদিও টাইব্ৰেক স্কৰৰ ভিত্তিত তৃতীয় স্থান লাভ কৰে।
প্ৰতিযোগিতাখনত মূঠ ৪৯ জন খেলুৱৈয়ে অংশগ্ৰহণ কৰিছিল। প্ৰতিযোগিতাখন চুইছ লীগ পদ্ধতিত ৬ ৰাউণ্ডৰ বাবে অনুষ্ঠিত হৈছিল। প্ৰতিযোগিতাত প্ৰথম ৫টা স্থান লাভ কৰা খেলুৱৈ সকলক ট্ৰফী আৰু নগদ ধন পুৰস্কাৰ প্ৰদান কৰা হৈছিল। ফিডে আৰ্বিটাৰ প্ৰণৱ কুমাৰ নাথে প্ৰতিযোগিতাখন মুখ্য আৰ্বিটাৰ হিচাপে পৰিচালনা কৰিছিল।
Continue Reading
