১৭২ কোটি টকাত বিক্ৰী হ’ল দিলীপ কুমাৰৰ পালি হিলছৰ বিলাসবহুল অট্টালিকা

পুনৰ উন্নীত কৰা ভৱনটোত দিলীপ কুমাৰৰ নামত  উৎসৰ্গিত ২০০০ বৰ্গফুটৰ এটা  সংগ্ৰহালয়ৰ লগতে ৪ আৰু ৫ বিএইচকে বিলাসী এপাৰ্টমেণ্টো আছে। তলৰ মহলাত অৱস্থিত এই সংগ্ৰহালয়টো তেওঁৰ পত্নী ছাইৰা বানুৰ সৈতে আলোচনা কৰি নিৰ্মাণ কৰা হৈছে।

দিলীপ কুমাৰৰ এই সম্পত্তিক লৈ  দীৰ্ঘদিনীয়া আইনী যুঁজ চলি আহিছে। দিলীপ কুমাৰে এই সম্পত্তিৰ অধিকাৰ লাভ কৰিছিল  হাছান চামৰুদ্দিনৰ পৰা, যিয়ে খাটাউ ট্ৰাষ্টৰ নামত সম্পত্তিটো নিজৰ নামত ৰাখিছিল। দিলীপ কুমাৰৰ পৰিয়ালটোৱে সম্পত্তিটোৰ  উন্নয়ন কৰাৰ উদ্দেশ্যে অগ্ৰসৰ হৈছিল যদিও  ২০১৪ চনত খাটাউ ট্ৰাষ্টৰ উত্তৰাধিকাৰীসকলৰ পৰা উচ্ছেদৰ জাননী লাভ কৰাৰ  ফলত আইনী বিবাদৰ সৃষ্টি হয়। এই বিবাদৰ সৃষ্টি হোৱাৰ সময়ত দিলীপ কুমাৰ আৰু ছাইৰা বানুৱে ছাইৰা নিভাছ বাংলোত বাস কৰিছিল। ২০১৭ চনত এই দম্পতীহালে এই গোচৰত জয়ী হয় মুম্বাই আৰক্ষীৰ পৰা বাংলোটোৰ চাবি লাভ কৰিবলৈ সক্ষম হয়। ২০২১ চনত দিলীপ কুমাৰৰ মৃত্যু হয়।২০২৩ চনত এটা বিলাসী টাৱাৰ নিৰ্মাণৰ বাবে সেই অট্টালিকাটো  ভাঙি পেলোৱা হ’ব বুলি খবৰ ওলাইছিল। কিন্তু পিছত সেয়া মিছা বুলি প্ৰমাণ হৈছিল।