ডিজিটেল ডেস্কঃ নিজৰ সৌন্দৰ্য বৃদ্ধিৰ বাবে মানুহে বিউটি পাৰ্লাৰলৈ যায়। কিন্তু কেতিয়াবা বিউটি পাৰ্লাৰত অঘটন ঘটাও দেখিবলৈ পোৱা যায়। শেহতীয়াকৈ এগৰাকী মহিলাৰ সৌন্দৰ্য নষ্ট কৰিলে এখন বিউটি পাৰ্লাৰে। ১৭,৫০০ টকাৰ ফেচিয়েল মালিচ কৰিবলৈ গৈ ছাল পোৰা গ’ল মুম্বাইৰ এগৰাকী মহিলাৰ। বিউটি পাৰ্লাৰখনৰ বিৰুদ্ধে এফআইআৰ দাখিল কৰিছে মহিলাগৰাকীয়ে।
মুম্বাইৰ মহিলাগৰাকীয়ে মুখৰ মালিচৰ চিকিৎসাৰ ফলত ছাল পোৰা আৰু ছালখনৰ বিষম ক্ষতিগ্ৰস্ত হোৱাৰ পাছত বিউটি চেলুনৰ বিৰুদ্ধে এফআইআৰ দাখিল কৰিছে।
এই ঘটনা সংঘটিত হৈছিল যোৱা ১৭ জুনত আন্ধেৰীৰ কামধেনু শ্বপিং চেণ্টাৰৰ গ্ল’ লাক্স চেলুনত। ১৭,৫০০ টকাৰ হাইড্ৰফেচিয়েল ট্ৰিটমেণ্ট কৰি বিপদত পৰিল নাম প্ৰকাশত অনিচ্চুক মহিলাগৰাকী।
হাইড্ৰাফেচিয়েল হৈছে মেডিকেল গ্ৰেডৰ ৰিছাৰ্ফেচিং ট্ৰিটমেণ্ট যিয়ে ছালৰ ছিদ্ৰ পৰিষ্কাৰ কৰে আৰু ছাল হাইড্ৰেট কৰে। ইয়াক অনুজ্ঞাপত্ৰপ্ৰাপ্ত চিকিৎসা পেছাদাৰী সুবিধাসমূহত প্ৰদান কৰা হয় আৰু ইয়াত এজন প্ৰমাণিত হাইড্ৰাফেচিয়েল এষ্টেটিচিয়ান উপলব্ধ থাকে।
চিকিৎসাৰ অন্তত মহিলাগৰাকীয়ে জ্বলা-পোৰা অনুভৱ কৰি ছালৰ বিশেষজ্ঞৰ কাষ চাপিছিল আৰু তেওঁ কয় যে মালিচৰ ফলত ছাল পুৰি গৈছে আৰু স্থায়ীভাৱে ছাল ক্ষতিগ্ৰস্ত হৈছে। ইয়াৰ পাছতে মহিলাগৰাকীয়ে স্থানীয় এম এন এছ কৰ্পৰেটৰ প্ৰশান্ত ৰাণেৰ সহায়ত এফ আই আৰ দাখিল কৰে।
Continue Reading
