১৮ বছৰ বয়সৰ পাছতো চিগাৰেট সেৱনত নিষেধাজ্ঞা, জানো আহক ক’ত?

ডিজিটেল ডেস্ক : ১৮ বছৰ বয়স হোৱাৰ পাছতো মানুহে চিগাৰেট সেৱন কৰিব নোৱাৰিব। ইয়াৰ বাবে নিউজিলেণ্ড চৰকাৰে এখন নতুন আইন বিধেয়ক উত্থাপন কৰিছে। নিউজিলেণ্ডৰ এই নতুন আইন অনুসৰি নতুন প্ৰজন্মই আইনগতভাৱে চিগাৰেট ক্ৰয় কৰাত নিষেধাজ্ঞা আৰোপ কৰা হৈছে, ১৮ বছৰ বয়স হোৱাৰ পাছতো ভৱিষ্যত প্ৰজন্মই ধূমপান কৰিব নোৱাৰিব। এই সন্দৰ্ভত নিউজিলেণ্ড চৰকাৰে এক বৃহৎ সিদ্ধান্ত গ্ৰহণ কৰে।

 ১. যুৱক-যুৱতীক চিগাৰেট ক্ৰয় কৰাত নিশেষাজ্ঞা-

নিউজিলেণ্ড চৰকাৰে ধূমপানমুক্ত প্ৰজন্ম গঢ়ি তোলাৰ লক্ষ্যৰে নতুন আইন প্ৰণয়নৰ বিধেয়ক উত্থাপন কৰে, ক্ৰয়ৰ বয়স সংযোজন কৰি যুৱক-যুৱতীসকলে আইনীভাৱে চিগাৰেট ক্ৰয় কৰাত বাধা দিব।

 ২. বিশেষ দোকানত উপলব্ধ হ’ব চিগাৰেট-

নতুন বিধেয়কখন সন্দৰ্ভত নিউজিলেণ্ডৰ সংসদত বিতৰ্ক হৈছিল। আলোচনা কৰা হৈছিল যে ধূমপানৰ বয়স বৃদ্ধি কৰাৰ উপৰি তেওঁলোকে চিগাৰেটৰ নিকোটিনৰ পৰিমাণ ভয়ংকৰভাৱে কৰ্তন কৰি দোকান আৰু চুপাৰ মাৰ্কেটত নহয়, কেৱল বিশেষ ধঁপাতৰ দোকানতহে বিক্ৰী কৰিবলৈ অনুমতি দিব।

 ৩. বিৰোধী দলসমূহেও সমৰ্থন কৰিছিল-

অধিকাংশই এই আইনৰ পক্ষত আছে। বিৰোধী নেচনেল পাৰ্টিৰ মেট ডুচীয়ে কয় যে তেওঁৰ দলে এই সময়ত আইনখনক সমৰ্থন কৰে। কিন্তু এই আইন কাৰ্যকৰী হোৱাত তেওঁলোক উদ্বিগ্ন হৈ পৰিছে। কিন্তু বিধেয়কখন উত্থাপন কৰাৰ পাছত কেৱল লিবাৰ্টেৰিয়ান এক্ট পাৰ্টিয়েহে ইয়াৰ বিৰোধিতা কৰিছিল।

 ৪. ২০২৫ চনৰ বাবে নিৰ্ধাৰণ কৰা লক্ষ্য-

এই বিধেয়কখন গৃহীত কৰাৰ পাছত চৰকাৰে আশা কৰিছে যে ২০২৫ চনলৈ দেশৰ ৫ শতাংশতকৈও কম লোকে ধূমপান কৰিব। একে সময়তে মালয়েছিয়াই ২০০৭ চনৰ পাছত জন্ম লোৱা সকলোকে ধূমপান আৰু ই-চিগাৰেটকে ধৰি সকলো ধঁপাতজাতীয় সামগ্ৰী বিক্ৰী নিষিদ্ধ কৰাৰ কথাও বিবেচনা কৰিছে।

 ৫. অষ্ট্ৰেলিয়াৰ ১০.৭% জনসংখ্যাই ধূমপান কৰে-

অষ্ট্ৰেলিয়াৰ সমৰ্থকসকলে কয় যে স্থানীয় নীতি নিৰ্ধাৰকসকলে তেনে কৰাৰ সুযোগ পাইছে। নিউজিলেণ্ডৰ দৰেই অষ্ট্ৰেলিয়াতো ধূমপানৰ হাৰ জনসংখ্যাৰ মাত্ৰ ১০.৭ শতাংশ, যিটো বিশ্বৰ ভিতৰতে আটাইতকৈ কম।