ডিজিটেল ডেস্কঃ অৱশেষত আহি পালে বহু প্ৰত্যাশিত দিনটো। আজি ভাৰতৰ নিৰ্বাচন আয়োগে ঘোষণা কৰিলে লোকসভা নিৰ্বাচনৰ দিন। ৭ টা পৰ্যায়ত নিৰ্বাচন অনুষ্ঠিত হ’ব। মুখ্য নিৰ্বাচন আয়ুক্ত ৰাজীৱ কুমাৰে সংবাদমেল যোগে নিৰ্বাচনৰ দিন ঘোষণা কৰে।
জানি লওক সৱিশেষ
১৯ এপ্ৰিলত প্ৰথম পৰ্যায়ৰ ভোটগ্ৰহণ
২৬ এপ্ৰিলত দ্বিতীয় পৰ্যায়ৰ ভোটগ্ৰহণ
৭ মে’ত তৃতীয় পৰ্যায়ৰ ভোটগ্ৰহণ
১৩ মে’ত চতুৰ্থ পৰ্যায়ৰ ভোটগ্ৰহণ
২০ মে’ত পঞ্চম পৰ্যায়ৰ ভোটগ্ৰহণ
২৫ মে’ত ষষ্ঠ পৰ্যায়ৰ ভোটগ্ৰহণ আৰু
১ জুনত সপ্তম পৰ্যায়ৰ ভোটগ্ৰহণ অনুষ্ঠিত হ’ব।
৪ জুনত নিৰ্বাচনৰ ফলাফল ঘোষণা কৰা হ’ব।
নিৰ্বাচনত মুঠ ৯৬.৮ কোটি পঞ্জীয়নভুক্ত ভোটাৰে ভোটদান কৰিব। ইয়াৰ ভিতৰত ১.৮ কোটি নতুন ভোটাৰে ভোটাধিকাৰ সাব্যস্ত কৰিব। আনহাতে ৪৯.৭ কোটি পুৰুষ ভোটাৰ, ৪৭.১ কোটি মহিলা ভোটাৰ আৰু ৪৮,০৪৪ গৰাকী ভোটাৰে সাব্যস্ত কৰিব ভোটদান।
৮৮.৪ লাখ বিশেষভাৱে সক্ষম ভোটাৰ, ৮২ লাখ ৮৫ বছৰ বয়সৰ উৰ্ধৰ ভোটাৰ আৰু ২.৩৮ লাখ গৰাকী এশ বছৰ বয়সৰ উৰ্ধৰ ভোটাৰ আছে বুলি নিৰ্বাচন আয়োগে প্ৰকাশ কৰিছে।
নিৰ্বাচন আয়োগৰ তথ্য অনুসৰি, নিৰ্বাচনৰ বাবে মুঠ ১০.৫ লাখ ভোটগ্ৰহণ কেন্দ্ৰ স্থাপন কৰা হ’ব। এই বুথসমূহ পৰিচালনাৰ বাবে ১.৫ কোটি ভোটগ্ৰহণ বিষয়া নিয়োগ কৰা হ’ব। নিৰ্বাচনত ৫৫ লাখ ইলেক্ট্ৰনিক ভোটিং মেচিন ব্যৱহাৰ কৰা হ’ব।
অসমত তিনিটা পৰ্যায়ত অনুষ্ঠিত হ’ব নিৰ্বাচন
বিহুৰ ঠিক পাছতেই অনুষ্ঠিত হ’ব অসমত নিৰ্বাচন
প্ৰথম তিনিটা পৰ্যায়তে অনুষ্ঠিত হ’ব অসমত নিৰ্বাচন
অসমত প্ৰথম পৰ্যায়ত ১৯এপ্ৰিল
দ্বিতীয় পৰ্যায়ত ২৬ এপ্ৰিল আৰু তৃতীয় পৰ্যায়ত ০৭ মে
১৯ এপ্ৰিলত প্ৰথম পৰ্যায়ৰ ভোটগ্ৰহণ
তেজপুৰ, লখিমপুৰ, ডিব্ৰুগড়ত ১৯ এপ্ৰিলত ভোট
যোৰহাট, কাজিৰঙা, নগাঁৱতো ১৯ এপ্ৰিলত ভোট
দ্বিতীয় পৰ্যায়ত অসমৰ ৫টা সমষ্টিত ভোটগ্ৰহণ
ডিফু, গুৱাহাটীত ২৬ এপ্ৰিলত ভোটগ্ৰহণ
শিলচৰ, কৰিমগঞ্জ, দৰং–ওদালগুৰিতো ২৬ এপ্ৰিলত ভোট
তৃতীয় পৰ্যায়ত অসমৰ তিনিটা সমষ্টিত ভোটগ্ৰহণ
বৰপেটা, কোকৰাঝাৰ, ধুবুৰীত ৭ মে’ত ভোটগ্ৰহণ।
Continue Reading
