ডিজিটেল ডেস্ক: দিল্লীত নিৰ্বাচন আয়োগে সংবাদ মেলযোগে ঘোষণা কৰিলে নিৰ্বাচনৰ দিন৷
মুখ্য নিৰ্বাচনী আয়ুক্ত ৰাজীৱ কুমাৰে সম্বোধন কৰে সংবাদমেল৷
প্ৰতীক্ষাৰ অন্তত লোকসভা নিৰ্বাচনৰ সূচী ঘোষণা কৰিলে নিৰ্বাচন আয়োগে৷ সমগ্ৰ দেশত মুঠ ৭টা পৰ্যায়ত অনুষ্ঠিত হ'ব লোকসভা নিৰ্বাচন৷ ১৯, ২৬ এপ্ৰিল, ০৭, ১৩, ২০, ২৫, মে' আৰু ১ জুনত অনুষ্ঠিত হ'ব লোকসভা নিৰ্বাচনৰ ভোটগ্ৰহণ৷ ৪ জুনত কৰা হ’ব ভোটগণনা৷
অসমত মুঠ ৩টা পৰ্যায়ত হ’ব ভোটগ্ৰহণ৷ ১৯ এপ্ৰিল, ২৬ এপ্ৰিল, ৭ মে’ত অসমত ভোটগ্ৰহণ৷
১.৮২ কোটি ফাৰ্ষ্টটাইম ভোটাৰ থাকিব এইবাৰৰ নিৰ্বাচনত৷ প্ৰায় ৮২ লাখ ৮০ ঊৰ্ধ্বৰ ভোটাৰে দিব ভোট৷ পুৰুষ ভোটাৰ ৪৯ কোটি ৭২ লাখ ৩১,৯৯৪জন৷ মহিলা ভোটাৰ ৪৭ কোটি ১৫ লাখ ৪১,৮৮৮গৰাকী৷ ৩য় লিংগৰ ৪৮.৪৪ হাজাৰ, দিব্যাংগ ৮৮.৩৫ লাখ ভোটাৰ৷ ৫৫ লাখ EVM ব্যৱহৃত হ’ব এই নিৰ্বাচনত৷ প্ৰায় ৪ লাখ বাহন ব্যৱহাৰ হ’ব এই নিৰ্বাচনত৷ ৮৫তকৈ অধিক বয়সৰ ভোটাৰলৈ বিশেষ সুবিধা আগবঢ়োৱা হৈছে৷ ঘৰৰ পৰাই অশীতিপৰক ভোটদানৰ সুবিধা৷ ফৌজদাৰী গোচৰ থকা প্ৰাৰ্থীৰ তথ্য পাব ৱেবছাইটত৷ এনে প্ৰাৰ্থীয়ে ৩বাৰকৈ দিব লাগিব ৰাজহুৱা ঘোষণা৷ দলেও অপৰাধী প্ৰাৰ্থী সন্দৰ্ভত দিব লাগিব ঘোষণা
আনহাতে, বাহুবল, ধনবল, অপপ্ৰচাৰ, আইন ভংগ নচলিব৷ অভিযোগ প্ৰাপ্তিৰ বাবে নিৰ্বাচন আয়োগৰ KYC এপ থাকিব৷ ধন বিতৰণৰ ফটো, ভিডিঅ’ প্ৰমাণ পালেই ব্যৱস্থা গ্ৰহণ কৰাৰ আশ্বাস৷ ১০০ মিনিটৰ ভিতৰতে কঠোৰ ব্যৱস্থা ল’ব ECIএ৷ ভোটগ্ৰহণত আৰক্ষীৰ পেট্ৰ’লিং, থাকিব ড্ৰোন নিৰীক্ষণ৷ ধন, সুৰা, মেচিন আদি বিতৰণতো নিষেধাজ্ঞা আৰোপ কৰা হৈছে৷ অনলাইন ধন লেনদেনতো নজৰ ৰাখিব বেংকে৷ অপপ্ৰচাৰ সন্দৰ্ভতো ছ’চিয়েল মিডিয়াত ৰখা হ’ব নজৰ৷
Continue Reading
