ডিজিটেল ডেস্কঃ ভাৰত-পাকিস্তানৰ দ্বিপাক্ষিক শৃংখলা দীৰ্ঘদিন ধৰি হোৱা নাই। পূৰ্বে দুয়োখন দেশৰ মাজত নিয়মীয়াকৈ খেলা চলিছিল। ৱাছিম আক্ৰমে তেনে এটা শৃংখলাৰ সোঁৱৰণ কৰিছে। শেহতীয়াকৈ ১৯৯৯ চনৰ চেন্নাই টেষ্টৰ সোঁৱৰণ কৰিলে পাকিস্তানৰ প্ৰাক্তন তাৰকা পেচাৰজনে। সেই মেচখনত শচীন টেণ্ডুলকাৰক কেনেকৈ আউট কৰা হৈছিল সেই কথা আক্ৰমে মনত পেলায়।
আক্ৰামে কয়- ''চেন্নাই টেষ্ট মোৰ বাবে এখন বিশেষ মেচ। আমাৰ দলত ছাকলেইন মুস্তাকৰ দৰে বিশ্বৰ শ্ৰেষ্ঠ বলাৰ আছিল যদিও শচীনে অনায়াসে খেলি আছিল। প্ৰথম ইনিংছত ছাকলেইনৰ দুছৰা শচীনে অনায়াসে খেলিছিল। শচীনে প্ৰতিবাৰেই ছাকলেইনে দুছৰা দিয়াৰ সময়ত কীপাৰৰ পিছফালে লেপ শ্বট খেলিছিল, যিটো সেই সময়ত কোনেও শুনা নাছিল।”
আক্ৰমে লগতে কয়, ''মোৰ মনত আছে সেই মেচখন কিমান তীব্ৰ আছিল। ভাৰতক জয়ী হ’বলৈ ২০ ৰানৰ প্ৰয়োজন আছিল আৰু শচীনে ১৩৬ ৰানত বেটিং কৰি আছিল। সেইসময়ত প্ৰতিজন ফিল্ডাৰ বাউণ্ডেৰীত আছিল। শচীনৰ বিৰুদ্ধে বলিং কৰিছিল ছাকলাইনে। মই তেওঁক ক’লোঁ যে অফষ্টাম্পৰ বাহিৰত দুছৰা অথবা বলটো বতাহত ভাঁহি দিবলৈ। তেতিয়া মিডউইকেটৰে মাৰিবলৈ চাব। ঠিক তেনেকুৱাই হৈছিল। তাৰ পাছত ছয় মাৰিলে। বলটো বেটৰ ধাৰত খুন্দা মাৰি ওপৰলৈ উঠি গ’ল। মই কেচটো আয়ত্ত কৰি লৈছিলো আৰু মেচখনো জয়ী হৈছিলো।’’
আক্ৰমে কয়- ''সেই সময়ত চেন্নাইৰ দৰ্শকেও পাকিস্তানৰ বিজয়ৰ বাবে উল্লাস কৰিছিল। চল্লিশ হাজাৰ লোকে থিয় হৈ আক্ৰামক চেলুট দিছিল। ভাৰতলৈ আহি ভাৰতক পৰাস্ত কৰাটো এটা কঠিন কাম আছিল। সেইটো সহজ কৰি তুলিছিল পাকিস্তানে।’’
Continue Reading
