২ এপ্ৰিলৰ পৰা দৃশ্যগ্ৰহণ আৰম্ভ হ’ব ৰণবীৰ কাপুৰৰ ৰামায়ণৰ, ৰামায়ণৰ বাবেই মদ-মাছ-মাংস এৰিছে ৰণবীৰে

পৰ্টেলটোৰ খবৰ অনুসৰি, নিতেশ তিৱাৰীৰ নেতৃত্বত প্ৰযোজনা দলটোৱে মুম্বাইৰ ফিল্ম চিটিত চিত্ৰগ্ৰহণ আৰম্ভ কৰিবলৈ সাজু হৈছে। প্ৰথম অনুসূচীত ভগৱান ৰাম, লক্ষ্মণ আৰু ভৰতৰ শৈশৱকালৰ বিষয়ত  গুৰুত্ব দিয়া হ'ব, য'ত শিশু শিল্পীসকলে এই চৰিত্ৰবোৰ চিত্ৰিত কৰিব। সূত্ৰটোৱে কয়, "নিতেশ তিৱাৰী আৰু তেওঁৰ দলে  মুম্বাইত ২ এপ্ৰিলৰ পৰা ৰামায়ণৰ শ্বুটিং আৰম্ভ কৰিবলৈ সাজু হৈছে। ফিল্ম চিটিত এটা ছেট তৈয়াৰ  কৰা হৈছে আৰু তাতেই এই  ছবিখনৰ যাত্ৰা আৰম্ভ হ’ব।  সূত্ৰটোৱে  কয়, "নীতেশ তিৱাৰীয়ে ভগৱান ৰামৰ শৈশৱকালৰ দিনবোৰৰ  দৃশ্যগ্ৰহণ কৰিব, য'ত গুৰু বশিষ্ঠই ভগৱান ৰাম আৰু তেওঁৰ ভাতৃসকলক জীৱনৰ পাঠ দিয়ে। শিশিৰ শৰ্মাই গুৰু বশিষ্ঠৰ চৰিত্ৰত অভিনয় কৰিব।  আনহাতে শিশু শিল্পীসকলৰ নাম এতিয়াও  গোপনে ৰখা হৈছে।"  উল্লেখ্য 'এনিমেল' ছবিত কৰা অপূৰ্ব  অভিনয়ৰ বাবে শ্ৰেষ্ঠ অভিনেতাৰ ফিল্মফেয়াৰ বঁটা অৰ্জন কৰা ৰণবীৰ কাপুৰ এইবাৰ সাজু হৈছে তেওঁৰ নতুন ছবি  'ৰামায়ণ' ৰ শ্বুটিঙৰ বাবে।  কাপুৰে  'ৰামায়ণ' ছবিখনৰ বাবে কঠোৰ প্ৰস্তুতি আৰম্ভ কৰিছে। ছবি খনত ৰামৰ চৰিত্ৰত অভিনয় কৰিব ৰণবীৰে।সেয়ে আহাৰ-বিহাৰৰ ক্ষেত্ৰত সংযম ৰক্ষা কৰিছে ৰণবীৰে। মাংস ৰণবীৰৰ প্ৰিয় খাদ্য। কিন্তু ৰামৰ চৰিত্ৰত অভিনয় কৰিব বাবেই তেওঁ খাদ্যৰ তালিকাৰ পৰা মাংস একেবাৰে বাদ দিছে। একেদৰে মদো তেওঁ আৰু কিছুদিনলৈ পান নকৰে।ৰামৰ চৰিত্ৰটোৰ বাবেই  তেওঁ সুৰাপানো ত্যাগ কৰিছে বুলি ৰণবীৰৰ ঘনিষ্ঠ মহলে প্ৰকাশ কৰিছে। 

ৰণবীৰে ছবি খনৰ বাবে লণ্ডন আৰু মুম্বাইত শ্বুটিঙৰ   ১২০  দিনৰ দীঘলীয়া কাৰ্সূচী গ্ৰহণ কৰিছে। ৰণবীৰে এই বছৰৰ মাৰ্চৰ পৰা 'ৰামায়ণ'ৰ দৃশ্যগ্ৰহণ আৰম্ভ কৰিব। পৰিচালক নীতিশ তিৱাৰীয়ে ছবি খনৰ সৰ্বাংগ সুন্দৰ আৰু নিখুঁত কৰি তুলিবলৈ চেষ্টা অব্যাহত ৰাখিছে। তেওঁ যোৱা বছৰৰ অদিপুৰুষ ছবিৰ বাবেহোৱা  বিতৰ্কৰ পৰা  বহু কথাই শিকিছে। 

নীতিশৰ ছবি  'ৰামায়ণ'ৰ বেছিভাগ  দৃশ্যগ্ৰহণ মুম্বাইত কৰা হ'ব। দুমাহ মুম্বাইত শ্বুটিং কৰাৰ পিছত দলটোৱে  লণ্ডনলৈ উৰা মাৰিব।  দক্ষিণৰ তাৰকা যশেও ৰণবীৰৰ সৈতে লণ্ডনলৈ যাব।  দুয়োজন অভিনেতাই লণ্ডনত কিছুমান গুৰুত্বপূৰ্ণ দৃশ্যৰ দৃশ্যগ্ৰহণ কৰিব।ৰণবীৰে স্বেচ্ছাই এই ছবিখনত ৰামৰ চৰিত্ৰত অভিনয় কৰিবলৈ ইচ্ছা প্ৰকাশ কৰিছে। তেওঁ ৰামৰ অৱতাৰত অভিনয় কৰাৰ বাবে বিশেষ ধ্যানো কৰি আছে। বাতৰি অনুসৰি ছবি খনত বিজয় সেতুপতিক বিভীষণ,  ছানী দেওলক হনুমান, ববি দেওলক কুম্ভকৰ্ণ, সাই পল্লৱীক সীতাৰ চৰিত্ৰত দেখা যাব।