ডিজিটেল ডেস্কঃ ২০১১ চনত বিশ্বকাপৰ দৰেই টীম ইণ্ডিয়াই এইবাৰো জয়ী হোৱাৰ কামনা কৰিছে বীৰেন্দৰ চেহৱাগে। একালৰ বিস্ফোৰক অপেনাৰজনে কয় যে ২০১১ চনত যিদৰে দলে শচীন টেণ্ডুলকাৰৰ বাবে জয়ী হৈছিল, ঠিক সেইদৰে আগন্তুক প্ৰতিযোগিতাখনতো বিৰাট কোহলীৰ বাবে জয়ী হ’বলৈ চেষ্টা কৰা উচিত।
বিশ্বকাপৰ সূচী ঘোষণাৰ বাবে আইচিচিৰ এক অনুষ্ঠানৰ সময়ত ছেহৱাগে কয়- ''আমি সেই বিশ্বকাপটো টেণ্ডুলকাৰৰ হৈ খেলিছিলো। আমি বিশ্বকাপ জিকিছিলো, আৰু শচীন পাজীৰ বাবে সেয়া আছিল এক ডাঙৰ প্ৰস্থান।’’
"বিৰাট কোহলী এতিয়া শচীন তেণ্ডুলকাৰৰ ঠাইত। তেওঁ যি ধৰণে খেলে, তেওঁ কথা কয়, তেওঁ আনক চোৱা-চিতা কৰে আৰু যিদৰে তেওঁ নিজৰ আবেগেৰে ক্ৰিকেট খেলে, তেওঁ এতিয়া সেইজন। সকলোৱে এই বিশ্বকাপ জয়ৰ বাবে বিচাৰিছে।"- তেওঁ কয়।
"আহমেদাবাদৰ নৰেন্দ্ৰ মোডী ষ্টেডিয়ামত প্ৰায় এক লাখ লোকে চাই থাকিব। পিটচসমূহে কেনে আচৰণ কৰিব বিৰাটে জানে। মই নিশ্চিত যে তেওঁ বহু ৰান কৰিব আৰু তেওঁ ভাৰতৰ হৈ বিশ্বকাপ জয় কৰিবলৈ যৎপৰোনাস্তি চেষ্টা কৰিব।"- চেহৱাগে লগতে কয়।
উল্লেখ্য যে আইচিচিয়ে মঙলবাৰে ভাৰতত ৫ অক্টোবৰৰ পৰা আহমেদাবাদত আৰম্ভ হ’বলগীয়া ৫০ অভাৰৰ বিশ্বকাপৰ সময়সূচী ঘোষণা কৰে আৰু ইংলেণ্ড আৰু নিউজিলেণ্ডে উদ্বোধনী মেচখন খেলিব, বিশ্বৰ সৰ্ববৃহৎ ক্ৰিকেট ষ্টেডিয়ামতো ১৯ নৱেম্বৰত ফাইনেল অনুষ্ঠিত হ’ব।
২০১১ চনৰ বিশ্বকাপ জয় কৰাৰ পিছৰে পৰা ভাৰতে মাত্ৰ এটা আইচিচি ইভেণ্টত জয়লাভ কৰিছে - ২০১৩ চনৰ চেম্পিয়নছ ট্ৰফী - আৰু আন এটা বিশ্বকাপ ইভেণ্টত ট্ৰফী হাতত পৰাৰ বাবে তেওঁলোকৰ অপেক্ষা এতিয়া এদশকতকৈও অধিক সময় ধৰি চলিছে।
