ডিজিটেল ডেস্কঃ মঙলবাৰে ২০২২ চনৰ আইচিচিৰ শ্ৰেষ্ঠ এদিনীয়া একাদশ প্ৰকাশ কৰা হৈছে। ইয়াত টীম ইণ্ডিয়াৰ দুজন তাৰকাক অন্তৰ্ভূক্ত কৰা হৈছে। তেওঁলোক হৈছে শ্ৰেয়াছ আয়াৰ আৰু মহম্মদ চিৰাজ।
অৱশ্যে আইচিচিয়ে কোনো ফৰ্মেটতে অধিনায়ক হিচাপে ভাৰতীয় অধিনায়কক ৰখা নাই। পাকিস্তানৰ বাবৰ আজমক মঙলবাৰে ঘোষণা কৰা দলটোৰ অধিনায়ক হিচাপে নিৰ্বাচিত কৰা হৈছে। এদিনীয়া ক্ৰিকেটত ধাৰাবাহিকভাৱে ভাল প্ৰদৰ্শন কৰা দুজন ভাৰতীয়ৰ তালিকাত ভাৰতৰ শ্ৰেয়াছ আয়াৰ আৰু মহম্মদ চিৰাজ।
ইয়াৰ উপৰিও নিউজিলেণ্ড, ৱেষ্ট ইণ্ডিজ, অষ্ট্ৰেলিয়াৰ দুজন আৰু জিম্বাবোৱে, পাকিস্তান আৰু বাংলাদেশৰ এজনকৈ খেলুৱৈক বছৰটোৰ একাদশত অন্তৰ্ভুক্ত কৰা হৈছে।
ঘোষিত দলটোঃ বাবৰ আজম (অধিনায়ক), ট্ৰেভিছ হেড, শ্ৰেয়াছ আয়াৰ, টম লাথাম (উইকেটকিপাৰ), চিকান্দাৰ ৰাজা, মেহিদী হাছান মিৰাজ, আলজাৰি জোছেফ, মহম্মদ চিৰাজ, ট্ৰেণ্ট ব'ল্ট, এডাম জাম্পা।
Continue Reading
