ডিজিটেল ডেস্কঃ দেশত প্ৰায়ে সাংবাদিকসকলৰ প্ৰতি অহা প্ৰত্যাহ্বানসমূহৰ কথা সজোৰে উত্থাপন হয়৷ এইবাৰ পোহৰলৈ তেনে এক ভয়ংকৰ তথ্য৷প্ৰতিবেদন অনুসৰি এই সাংবাদিকসকলক লক্ষ্য কৰি লৈছিল ৰাজ্যিক সংস্থা, বেচৰকাৰী ৰাজনৈতিক উপাদান, অপৰাধী আৰু সশস্ত্ৰ বিৰোধী গোটৰ দ্বাৰা। লক্ষ্য কৰি লোৱা সাংবাদিকৰ সৰ্বাধিক সংখ্যা জম্মু-কাশ্মীৰৰ,য’ত লক্ষ্য হোৱা মুঠ সাংবাদিক ৪৮,তাৰ পাছতে তেলেংগানাৰ সৰ্বাধিক ৪০ জন৷
সাংবাদিকসকল লক্ষ্য হোৱা অন্যান্য অঞ্চলসমূহ হ’ল – ওড়িশা (১৪), উত্তৰ প্ৰদেশ (১৩), দিল্লী (১২), পশ্চিম বংগ (১১), মধ্যপ্ৰদেশ আৰু মণিপুৰ (৬)), অসম আৰু মহাৰাষ্ট্ৰ (৫), বিহাৰ, কৰ্ণাটক আৰু পঞ্জাৱ (৪), ছত্তীশগড়, ঝাৰখণ্ড আৰু মেঘালয় (৩), অৰুণাচল প্ৰদেশ আৰু তামিলনাডু (২), অন্ধ্ৰপ্ৰদেশ, গুজৰাট, হাৰিয়ানা, পুডুচেৰী, ৰাজস্থান, ত্ৰিপুৰা আৰু উত্তৰাখণ্ড (১)।
প্ৰতিবেদন প্ৰকাশ কৰা সংস্থা আৰ আৰ এ জিয়ে কয় যে কমেও ১০৩ গৰাকী সাংবাদিকক ৰাজ্যিক পৰ্যায়ৰ নেতাই লক্ষ্য কৰি লোৱাৰ বিপৰীতে ৯১ গৰাকী সাংবাদিকক ৰাজনৈতিক কৰ্মীকে ধৰি অৰাজনৈতিক ব্যক্তিয়ে লক্ষ্য কৰি লৈছিল।
খবৰ অনুসৰি ১০৩ জন সাংবাদিকৰ ভিতৰত ৭০ জন সাংবাদিক গ্ৰেপ্তাৰ বা আটক, ১৪ জনৰ বিৰুদ্ধে এফ আই আৰ আৰু চাৰিজনক আৰক্ষী আৰু ই ডিয়ে চমন কৰে। পোন্ধৰজন সাংবাদিকক ৰাজহুৱা বিষয়া আৰু আৰক্ষীৰ পৰা শাৰীৰিক আক্ৰমণ, ভাবুকি আৰু হাৰাশাস্তিৰ সন্মুখীন হোৱাৰ লগতে ইমিগ্ৰেচন বিষয়াসকলে দেশ এৰি যাবলৈ বাধা দিছিল।
Continue Reading
