ডিজিটেল ডেস্কঃ মঙলবাৰে আৰ বি আইৰ তথ্য অনুসৰি ভাৰতৰ চলিত একাউণ্ট ঘাটি ১.৩ বিলিয়ন মাৰ্কিন ডলাৰ অৰ্থাৎ জিডিপিৰ ০.২ শতাংশলৈ হ্ৰাস পাইছে, মূলতঃ বাণিজ্যিক ঘাটিৰ মধ্যমীয়া আৰু সেৱা ৰপ্তানিৰ ক্ষেত্ৰত শক্তিশালী বৃদ্ধিৰ বাবে জিডিপিৰ এই তাৰতম্যতা দেখিবলৈ পোৱা গৈছে৷
যোৱা বিত্তীয় বৰ্ষৰ চতুৰ্থ ত্ৰৈমাসিকত চলিত একাউণ্ট ঘাটিৰ ক্ৰমবৰ্ধমান হ্ৰাসৰ মূল কাৰণ হৈছে বাণিজ্যিক ঘাটিৰ মধ্যমীয়া হোৱাৰ বাবে পূৰ্বৰ ত্ৰৈমাসিকত ৭১.৩ বিলিয়ন মাৰ্কিন ডলাৰৰ পৰা ৫২.৬ বিলিয়ন মাৰ্কিন ডলাৰলৈ হোৱা তাৰতম্যতা আৰু লগতে শক্তিশালী সেৱা ৰপ্তানিও এক অন্যতম কাৰণ আছিল৷
কম্পিউটাৰ সেৱাৰ পৰা নিকা উপাৰ্জন বৃদ্ধিৰ ফলত ক্ৰমাগতভাৱে আৰু বছৰৰ পিছত বছৰ ধৰি নিকা সেৱাৰ লাভ বৃদ্ধি পাইছে বুলি আৰ বি আইয়ে জানিবলৈ দিয়ে৷
২০২১-২২ চনৰ চতুৰ্থ ত্ৰৈমাসিকত ১৬.০ বিলিয়ন মাৰ্কিন ডলাৰৰ হ্ৰাসৰ বিপৰীতে বৈদেশিক মুদ্ৰাৰ মজুত (বি অ’ পি ভিত্তিত) ৫.৬ বিলিয়ন মাৰ্কিন ডলাৰৰ পৰিমাণ বৃদ্ধি পাইছে।২০২২-২৩ বিত্তীয় বৰ্ষৰ বাবে ২০২১-২২ চনত ১.২ শতাংশ ঘাটিৰ তুলনাত চলিত একাউণ্টৰ বেলেঞ্চত জিডিপিৰ ২ শতাংশ ঘাটি ৰেকৰ্ড কৰা হৈছে, কাৰণ বাণিজ্যিক ঘাটি এবছৰৰ পূৰ্বে ১৮৯.৫ বিলিয়ন মাৰ্কিন ডলাৰৰ পৰা ২৬৫.৩ বিলিয়ন মাৰ্কিন ডলাৰলৈ বৃদ্ধি পাইছে।
Continue Reading
