ডিজিটেল ডেস্কঃ ২০২৩ চনটো ভাৰতীয় ক্ৰিকেট কিম্বদন্তি ৰবিচন্দ্ৰন অশ্বিনৰ বাবে অতি বিশেষ৷ ২০২৩ চনত ৰবিচন্দ্ৰন অশ্বিনে টেষ্ট ফৰ্মেটত এতিয়ালৈকে সৰ্বাধিক উইকেট লোৱাৰ ক্ষেত্ৰত ৪০টা উইকেটৰে প্ৰথম স্থানত আছে। আনহাতে এই তালিকাত অষ্ট্ৰেলিয়াৰ স্পিনাৰ নাথান লায়ন দ্বিতীয় স্থানত আছে।২০২৩ চনত ভাৰতীয় স্পিনাৰ ৰবিচন্দ্ৰন অশ্বিন আৰু ৰবীন্দ্ৰ জাদেজাৰ যুটিয়ে চলিত বৰ্ষত এতিয়ালৈকে টেষ্ট ক্ৰিকেটত আচৰিত ধৰণৰ প্ৰদৰ্শন আগবঢ়াইছে। বছৰটোত এতিয়ালৈকে সৰ্বাধিক উইকেট লোৱাৰ ক্ষেত্ৰত দুয়োগৰাকী বলাৰ শীৰ্ষ ৫ ৰ ভিতৰত অন্তৰ্ভুক্ত হৈছে।
ৰবিচন্দ্ৰন অশ্বিনে এইবাৰ টেষ্টত বলৰ সৈতে এক সুন্দৰ প্ৰদৰ্শন দেখিবলৈ পাইছে। অশ্বিনে ৬খন মেচত মুঠ ৪০টা উইকেট দখল কৰে। এই সময়ছোৱাত তেওঁ ৪ বাৰ এটা ইনিংছত ৫ টা উইকেট দখল কৰাৰ বিপৰীতে এবাৰ মেচত ১০ টা উইকেট দখল কৰিছে।
ইপিনে ২০২৩ চনত অষ্ট্ৰেলিয়াৰ প্ৰবীণ স্পিনাৰ নাথান লায়নে টেষ্ট ফৰ্মেটত সৰ্বাধিক উইকেট লোৱাৰ ক্ষেত্ৰত দ্বিতীয় স্থানত আছে। অষ্ট্ৰেলিয়াৰ অফ স্পিনাৰগৰাকীয়ে চলিত বৰ্ষত এতিয়ালৈকে গড়ে ২৪.৬৩ ৰান সংগ্ৰহ কৰি ৮খন মেচত মুঠ ৩৮টা উইকেট দখল কৰিছে। এই সময়ছোৱাত লায়নে ২ বাৰ ৫ উইকেট আৰু ১ বাৰ মেচত ১০ উইকেট দখল কৰাৰ কৃতিত্বও কৰিছে।
২০২৩ চনটোক ইংলেণ্ড দলৰ প্ৰবীণ বেগী বলাৰ ষ্টুয়াৰ্ট ব্ৰডৰ বাবে অতি বিশেষ বুলি ক’ব পাৰি, যেতিয়া তেওঁ ৬০০ উইকেট সম্পূৰ্ণ কৰিছিল।ব্ৰডে চলিত বৰ্ষত এতিয়ালৈকে ৭খন মেচত গড়ে ২৬.১২ ৰানৰ বিনিময়ত ৩৪টা উইকেট দখল কৰিছে। ইয়াৰ মাজতো তেওঁ এবাৰ এটা ইনিংছত ৫টা উইকেট দখল কৰিছে।২০২৩ চনত ৰবীন্দ্ৰ জাদেজাই টেষ্ট ফৰ্মেটত বল আৰু বেট দুয়োটাৰে আচৰিত প্ৰদৰ্শন দেখিবলৈ পাইছে। ১৯.৩৯ গড়ে ৭খন মেচত ৩৩টা উইকেট দখল কৰিছে জাডেজাই। এই সময়ছোৱাত জাদেজাই ২ ইনিংছত ৫টা উইকেট আৰু ১খন মেচত ১০টা উইকেট দখল কৰিছে।ইপিনে শ্ৰীলংকাৰ বাওঁহতীয়া স্পিন বলাৰ প্ৰভাত জয়সূৰ্যই চলিত বৰ্ষত এতিয়ালৈকে টেষ্ট ফৰ্মেটত ২৮টা উইকেট দখল কৰিছে।
Continue Reading
