ডিজিটেল ডেস্কঃ ভাৰতীয় মহিলা ক্ৰিকেট দলৰ অধিনায়ক হৰমনপ্ৰীত কৌৰক আই চি চিৰ এক ডাঙৰ আঘাত। আচলতে বাংলাদেশৰ বিৰুদ্ধে তৃতীয়খন এদিনীয়া খেলত কৰা আচৰণ আৰু আম্পায়াৰৰ স্তৰক লৈ প্ৰশ্ন উত্থাপন কৰাৰ বাবে টিম ইণ্ডিয়াৰ অধিনায়কক ২খন আন্তঃৰাষ্ট্ৰীয় মেচৰ বাবে নিষেধাজ্ঞা আৰোপ কৰা হৈছে। এইদৰে ভাৰতৰ পৰৱৰ্তী ২ খন মেচত হৰমনপ্ৰীত কৌৰ দেখা নাযায়।
বাংলাদেশৰ বিৰুদ্ধে তৃতীয়খন এদিনীয়া খেলত আউট হোৱাৰ পাছত হৰমনপ্ৰীত কৌৰে ক্ষোভিত হৈ উইকেটত বেট মাৰি দিয়ে। লগতে মেচ শেষ হোৱাৰ পিছত আম্পায়াৰৰ স্তৰৰ ওপৰতো প্ৰশ্ন উত্থাপন কৰে। অৱশ্যে এতিয়া ভাৰতীয় অধিনায়কগৰাকীক লৈ আইচিচিয়ে বৃহৎ ব্যৱস্থা গ্ৰহণ কৰিছে। আইচিচিয়ে হৰমনপ্ৰীত কৌৰক ২খন আন্তঃৰাষ্ট্ৰীয় মেচত নিষেধাজ্ঞা আৰোপ কৰিছে। দৰাচলতে বাংলাদেশৰ বিৰুদ্ধে তৃতীয়খন এদিনীয়া খেলৰ সময়ত আম্পায়াৰৰ সিদ্ধান্তত অসন্তুষ্ট ভাৰতীয় অধিনায়কগৰাকীয়ে আম্পায়াৰৰ স্তৰক লৈ প্ৰশ্ন উত্থাপন কৰিছিল। ইয়াৰ বাহিৰেও হৰমনপ্ৰীত কৌৰে আউট হোৱাৰ পিছতে উইকেটত আঘাত কৰে।
দৰাচলতে বাংলাদেশৰ বিৰুদ্ধে তৃতীয়খন এদিনীয়া খেলৰ সময়ত হৰমনপ্ৰীত কৌৰে বেয়া আচৰণৰ বাবে অহৰহ শিৰোনাম দখল কৰিছিল। ছ’চিয়েল মিডিয়া ব্যৱহাৰকাৰীসকলে ভাৰতীয় অধিনায়কগৰাকীক লৈ অহৰহ নিজৰ মতামত দি আছিল। ইয়াৰ বাহিৰেও হৰমনপ্ৰীত কৌৰৰ বিৰুদ্ধে আই চি চিয়ে ব্যৱস্থা ল’ব পাৰে বুলি বিশ্বাস কৰা হৈছিল।
Continue Reading
