ডিজিটেল ডেস্কঃ ২৫ বছৰৰ পাছত একেলগে কাম কৰিবলৈ সাজু হৈছে সংগীত সুৰকাৰ এ আৰ ৰহমান আৰু অভিনেতা আৰু নৃত্য পৰিচালক প্ৰভু দেৱা। ২২ মাৰ্চ শুকুৰবাৰে ছ’চিয়েল মিডিয়াত এ আৰ ৰহমান আৰু প্ৰভু দেৱাই তেওঁলোকৰ নতুন ছবিৰ কথা ঘোষণা কৰিছে।
এ আৰ ৰহমান আৰু প্ৰভু দেৱাই ছ’চিয়েল মিডিয়াত পোষ্টাৰখন শ্বেয়াৰ কৰি তেওঁলোকৰ আগন্তুক ছবিৰ কথা ঘোষণা কৰিছে। এ আৰ ৰহমান আৰু প্ৰভু দেৱাৰ আগন্তুক ছবিখনৰ নাম ARRPD6। প্ৰভু দেৱৰ আইকনিক ডান্স হুক ষ্টেপ এই পোষ্টাৰখনত দেখা গৈছে। এই খবৰটো শুনি অনুৰাগীসকল অতিশয় উৎফুল্লিত হৈ পৰিছে।
ARRPD6ত প্ৰভু দেৱা, যোগী বাবু আৰু মালয়ালম অভিনেতা আজু ভাৰ্গেছ আৰু অৰ্জুন অশোকন মত্ত ৰাজেন্দ্ৰন আৰু ৰাদিন কিংছলীয়ে মুখ্য চৰিত্ৰত অভিনয় কৰিব। মনোজ এন এছ, দিব্য মনোজ আৰু ড° প্ৰবীণ এলকে প্ৰযোজনা কৰা এই ছবিখন প্ৰস্তুত কৰিছে বিহাইণ্ডউডছে।
ৰহমানে ছবিখনৰ সংগীত ৰচনা কৰাৰ বিপৰীতে আনুপ ভি শৈল্যই ছবিখনৰ চিনেমেট’গ্ৰাফীৰ দায়িত্ব লৈছে। তামিল, মালয়ালম, তেলেগু, কানাড়া, হিন্দীকে ধৰি বহু ভাষাত মুক্তি পাবলৈ গৈ আছে ছবিখন।
Continue Reading
