ডিজিটেল ডেস্কঃ অৱশেষত স্বদেশত ভৰি থ’লে কেএলঅ’ প্ৰধান জীৱন সিংহই৷ পৃথক কমতাপুৰ ৰাজ্য গঠনৰ প্ৰস্তাৱ লৈ জীৱন সিংহই দিল্লীলৈ যাত্ৰী কৰা বুলি বিশেষ সূত্ৰই প্ৰকাীশ কৰিছে৷ দিল্লীত কেন্দ্ৰীয় চৰকাৰৰ সৈতে আলোচনাৰ পিছতে পৃথক কমতাপুৰৰ ঘোষণা হোৱাৰ পূৰ্ণ সম্ভাৱনা থকা বুলি সূত্ৰটোৱে আশা প্ৰকাশ কৰিছে৷ সূত্ৰটোৰ মতে হয়তো ২৬ জানুৱাৰীৰ আগতেই পৃথক কমতাপুৰৰ ঘোষণা হ’ব পাৰে৷ গৃহ মন্ত্ৰালয়ে সকলো প্ৰক্ৰিয়া সম্পূৰ্ন কৰিছে বুলিও সূত্ৰটোৱে দাবী কৰিছে৷
জানিব পৰা মতে তিনিখন ৰাজ্যৰ কেইবাখনো জিলা অন্তৰ্ভুক্ত হ'ব পাৰে কমতাপুৰত ৷ কমতাপুৰত অসমৰ দুখন জিলা অন্তৰ্ভক্ত হোৱাৰ সম্ভাৱনা আছে ৷ জানিব পৰা মতে ধুৱুৰী আৰু দক্ষিণ শালমাৰা জিলা কমতাপুৰত অন্তৰ্ভুক্ত হ'ব পাৰে৷ একেদৰে পশ্চিম বংগৰ আঠখন জিলা থাকিব পাৰে প্ৰস্তাৱিত কমতাপুৰত ৷ সেই জিলা কেইখন হৈছে ক্ৰমে কোচবিহাৰ, উত্তৰ দিনাজপুৰ, দক্ষিণ দিনাজপুৰ, দাৰ্জিলিং, জলপাইগুৰি, আলিপুৰদুৱাৰ, কালিম্পং আৰু মালদা জিলা ৷ কমতাপুৰত বিহাৰৰো থাকিব পাৰে দুখন জিলা৷ সেই জিলা দুখন হৈছে পুনিয়া আৰু কিষানগঞ্জ৷ অৱশ্যে এই বিষয়ত বিস্তৃত আলোচনাৰ পিছতহে কি কি জিলা অন্তৰ্ভূক্ত কৰা হ’ব সেয়া চূড়ান্ত কৰা হ’ব বুলি সূত্ৰটোৱে কয়৷
প্ৰকৃতাৰ্থত কমতপুৰ চৰকাৰে গঠন কৰিব নে নাই সেয়া সময় যোৱাৰ লগে লগে লগেহে স্পষ্ট হ’ব৷ চৰকাৰী ঘোষণাৰ পিছতহে ওৰ পৰিব কমতাপুৰকলৈ চলি থকা জল্পনা-কল্পনাৰ৷ উল্লে্খ্য ইয়াৰ পূৰ্বেও অসমৰ কোচ ৰাজবংশী জনগোষ্টীক জনজাতিকৰণ কৰা হ’ব বুলি কংগ্ৰেছ, বিজেপি আদি দলসমূহে ডাঠি প্ৰতিশ্ৰুতি দিছিল যদিও সময়ত সেই সকলো প্ৰতিশ্ৰুতি ফুটুকাৰ ফেন হৈছিল৷ এইবাৰো সেয়ে বহুতে " দেখিলেহে লেখিম " ধাৰণা লৈয়েই অপেক্ষা কৰি আছে৷
Continue Reading
