ডিজিটেল ডেস্কঃ দক্ষিণৰ ৰাজ্য কৰ্ণাটকত চলিত বৰ্ষৰ মে’ মাহত বিধানসভা নিৰ্বাচন অনুষ্ঠিত হোৱাৰ পূৰ্ণ সম্ভাৱনা আছে৷ এনে সময়তে বিজেপিকে ধৰি বিৰোধী কংগ্ৰেছ, আপ আদি সকলো দলেই ৰাজ্য খনত নিৰ্বাচনী প্ৰচাৰ চলাবলৈ আৰম্ভ কৰিছে৷ কৰ্ণাটকত পুনৰ শাসন হস্তগত কৰাৰ বাবে কংগ্ৰেছে প্ৰাণপণে চেষ্টা অব্যাহত ৰাখিছে৷ এনে সময়তে কংগ্ৰেছৰ নেত্ৰী প্ৰিয়ংকা গান্ধীয়ে কৰ্ণাটকত নানান প্ৰতিশ্ৰুতি দি ভোটাৰৰ মন আকৃষ্ট কৰাৰ চেষ্টা চলাইছে৷
ৰাজ্য খনৰ মহিলাসকলৰ বাবেঅভিলাসী আঁচনিৰ কথা ঘোষণা কৰিছে প্ৰিয়ংকা গান্ধীয়ে। কৰ্ণাটকৰ এখন বিশাল সমাৱেশত আভাষণ দি কংগ্ৰেছৰ সাধাৰণ সম্পাদিকা প্ৰিয়ংকা গান্ধী ভাদ্ৰাই 'গৃহ লক্ষ্মী আঁচনি'ৰ অধীনত ৰাজ্য খনৰ পৰিয়ালৰ প্ৰতিগৰাকী মুৰব্বী মহিলাক মাহে ২,০০০ টকাকৈ প্ৰদান কৰাৰ নিৰ্বাচনী প্ৰতিশ্ৰুতি দিছে।
তেওঁ কয় যে যদি ৰাজ্য খনত কংগ্ৰেছে চৰকাৰ গঠন কৰিব পাৰে তেন্তে পৰিয়ালৰ মুৰব্বী মহিলাসকলক মাহে প্ৰতি ২০০০ টকাকৈ দিয়া হ'ব । প্ৰিয়ংকা গান্ধী ভাদ্ৰাই বাংগালুৰুত এক সভাত এই ঘোষণা কৰে৷ উল্লেখ্য কংগ্ৰেছে শাসনলৈ আহিলে কৰ্ণাটকৰ প্ৰতিটো পৰিয়ালক প্ৰতি মাহে ২০০ ইউনিট বিনামূলীয়া বিদ্যুৎ প্ৰদান কৰাৰো প্ৰতিশ্ৰতি দিছে।
Continue Reading
