ডিজিটেল ডেস্কঃ ২৬/১১ ৰ আক্ৰমণত কথমপিহে প্ৰাণৰক্ষা পৰিছিল দেশৰ ৰত্ন স্বৰূপ উদ্যোগপতি গৌতম আদানীৰ৷ এই কথা উদ্যোগপতিগৰাকীয়ে নিজেই প্ৰকাশ কৰিছে৷ ভাৰতৰ জনপ্ৰিয় টেলিভিছন অনুষ্ঠান 'আপ কি আদালত'ৰ নতুন খণ্ডটোত ভাৰতৰ শীৰ্ষ উদ্যোগপতি গৌতম আদানীয়ে ২৬/১১ ৰ আক্ৰমণৰ ভয়ংকৰ আক্ৰমণৰ কথা পুনৰ বাৰ মনত পেলায়৷ তেওঁ অনুষ্ঠানটোত কেনেকৈ তাজ হোটেলত প্ৰায় ১০ ঘণ্টাৰ ভয়ংকৰ আক্ৰমণৰ সাক্ষী হোৱাৰ পিছতো "এক নতুন জীৱন" লাভ কৰিছিল সেই বিষয়ে কয়৷
২০০৮ চনৰ নৱেম্বৰ মাহত সংঘটিত সন্ত্ৰাসবাদী আক্ৰমণৰ সময়ত আদানী তাজ হোটেলতে আছিল৷ পাকিস্তানৰ ইছলামিক সন্ত্ৰাসবাদী সংগঠন লস্কৰ-ই-তৈবাই মুম্বাইত চাৰি দিন ধৰি গুলী আৰু বোমাৰে আক্ৰমণ চলাইছিল।
আদানীয়ে কয় "যেতিয়া সন্ত্ৰাসবাদীয়ে হোটেল তাজত আক্ৰমণ কৰিছিল তেতিয়া মই বন্ধুবৰ্গৰ সৈতে তাত এখন বৈঠক কৰি আছিলো"সেই ভয়াৱহ দিনটোৰ কথা মনত পেলাই আদানীয়ে ইণ্ডিয়া টিভিৰ এডিটৰ-ইন-চীফ ৰজত শৰ্মাৰ সৈতে হোৱা এক বিশেষ সাক্ষাৎকাৰত কয় যে তেওঁ হোটেল তাজত ডুবাইস্থিত বন্ধুবৰ্গৰ সৈতে এক ব্যৱসায়িক বৈঠকত ভাগ লৈছিল৷ সেই সময়তে তাজ হোটেলত সন্ত্ৰাসবাদীৰ আক্ৰমণ আৰম্ভ হৈছিল৷ ভাৰতৰ আটাইতকৈ ধনী ব্যক্তিজনৰ মতে তেওঁ সন্ত্ৰাসবাদীসকলক মুম্বাইৰ হোটেল তাজত আক্ৰমণ কৰাৰ সময়ত দেখিছিল।
তেওঁ কয় "মই হোটেলৰ বিল পৰিশোধ কৰাৰ পিছত হোটেলৰ পৰা ওলাই যাবলৈ ওলাইছিলো, তেতিয়াই মোক আন এখন বৈঠক হ’ব বুলি কোৱা হৈছিল৷ আমি ৰাতিৰ আহাৰ পৰিবেশন কৰা ৰেষ্টুৰেণ্টখনত বহিছিলো ।সেই সময়তে মই গম পাইছিলো যে হোটেলখন সন্ত্ৰাসবাদীৰ আক্ৰমণৰহৈছে। কেইমিনিটমানৰ পিছত, হোটেলৰ কৰ্মচাৰীসকলে মোক পিছফালৰ দুৱাৰৰেৰে পাকঘৰলৈ লৈ গৈছিল। বহু সময় পিছত মোক নিৰাপ্তা বাহিনীয়ে উদ্ধাৰ কৰিছিল,"৷
Continue Reading
