ডিজিটেল ডেস্ক: আজি উচ্চতম ন্যায়ালয়ৰ ন্যায়াধীশ হিচাপে শপতগ্ৰহণ কৰে ন্যায়াধীশ ৰাজেশ বিন্দাল আৰু ন্যায়াধীশ অৰবিন্দ কুমাৰে৷ ন্যায়াধীশদুগৰাকীক শপতবাক্য পাঠ কৰোৱাই মুখ্য ন্যায়াধীশ ডি ৱাই চন্দ্ৰচূড়ে৷ আজি দুয়োগৰাকী ন্যায়াধীশে শপত গ্ৰহণ কৰাৰ পাছত উচ্চতম ন্যায়ালয়ে সোমবাৰে ৩৪গৰাকী ন্যায়াধীশৰ সম্পূৰ্ণ শক্তি লাভ কৰে।
উচ্চতম ন্যায়ালয়ৰ ন্যায়াধীশ হিচাপে নিযুক্ত হোৱাৰ পূৰ্বে ন্যায়াধীশ বিন্দাল এলাহাবাদ উচ্চ ন্যায়ালয়ৰ মুখ্য ন্যায়াধীশ আছিল৷ আনহাতে ন্যায়াধীশ কুমাৰ গুজৰাট উচ্চ ন্যায়ালয়ৰ মুখ্য ন্যায়াধীশ আছিল।
উচ্চতম ন্যায়ালয়ে ন মাহৰ ব্যৱধানৰ পাছত সম্পূৰ্ণ শক্তি লাভ কৰিছে৷ ইয়াৰ পূৰ্বে ৬ ফেব্ৰুৱাৰীত উচ্চতম ন্যায়ালয়ত পাঁচজন ন্যায়াধীশ নিযুক্ত কৰা হৈছিল।
উচ্চতম ন্যায়ালয়ৰ কলেজিয়ামে ২০২২ চনৰ ১৩ ডিচেম্বৰত উচ্চতম ন্যায়ালয়ৰ ন্যায়াধীশ হিচাপে পদোন্নতিৰ বাবে তেওঁলোকৰ নাম অনুমোদিত কৰিছিল।
উচ্চতম ন্যায়ালয়ত পাঁচগৰাকী ন্যায়াধীশ নিযুক্ত হোৱাৰ এসপ্তাহ পাছত কেন্দ্ৰই আজি উচ্চ ন্যায়ালয়ৰ আৰু দুগৰাকী ন্যায়াধীশক উচ্চতম ন্যায়ালয়লৈ পদোন্নীত কৰে৷ এই বিষয়টো সন্দৰ্ভত কেন্দ্ৰীয় আইন মন্ত্ৰী কিৰেন ৰিজিজুৱে কয়, ভাৰতৰ সংবিধানৰ অধীনত থকা ব্যৱস্থা অনুসৰি ভাৰতৰ মাননীয় ৰাষ্ট্ৰপতিয়ে এলাহাবাদ উচ্চ ন্যায়ালয়ৰ মুখ্য ন্যায়াধীশ ৰাজেশ বিন্দাল আৰু গুজৰাট উচ্চ ন্যায়ালয়ৰ মুখ্য ন্যায়াধীশ অৰবিন্দ কুমাৰক উচ্চতম ন্যায়ালয়ৰ ন্যায়াধীশ হিচাপে নিযুক্তি দিছে।
তেওঁলোকৰ নাম উচ্চতম ন্যায়ালয়ৰ কলেজিয়ামে ৩১ জানুৱাৰীত পৰামৰ্শ দিছিল। মুখ্য ন্যায়াধীশ ডি ৱাই চন্দ্ৰচূড়ৰ নেতৃত্বত কলেজিয়ামে যোৱা বছৰৰ ১৩ ডিচেম্বৰত উচ্চতম ন্যায়ালয়লৈ উন্নীতকৰণৰ বাবে পাঁচটা নামৰ পৰামৰ্শ দিছিল, কিন্তু নিযুক্তিপ্ৰক্ৰিয়াক লৈ কাৰ্যবাহী আৰু ন্যায়পালিকাৰ মাজত দীঘলীয়া সংঘাতৰ মাজত প্ৰায় দুমাহ পাছত কেন্দ্ৰই তেওঁলোকৰ নিযুক্তি নিশ্চিত কৰে।
ৰাজস্থান উচ্চ ন্যায়ালয়ৰ মুখ্য ন্যায়াধীশ পংকজ মিথাল, পাটনা উচ্চ ন্যায়ালয়ৰ মুখ্য ন্যায়াধীশ সঞ্জয় কৰোল, মণিপুৰ উচ্চ ন্যায়ালয়ৰ মুখ্য ন্যায়াধীশ পি ভি সঞ্জয় কুমাৰ, পাটনা উচ্চ ন্যায়ালয়ৰ ন্যায়াধীশ আহছানুদ্দিন আমানুল্লাহ আৰু এলাহাবাদ উচ্চ ন্যায়ালয়ৰ ন্যায়াধীশ মনোজ মিশ্ৰাই এই সপ্তাহৰ আৰম্ভণিতে উচ্চতম ন্যায়ালয়ৰ ন্যায়াধীশ হিচাপে শপত গ্ৰহণ কৰে।
কলেজিয়াম প্ৰণালী, য'ত জ্যেষ্ঠ ন্যায়াধীশৰ এটা গোটে উচ্চতম ন্যায়ালয়লৈ উন্নীতকৰণৰ বাবে ন্যায়াধীশৰ নামৰ পৰামৰ্শ দিছিল৷
Continue Reading
