৩৬ বছৰতো ২৫ বছৰীয়া যেন দেখায় শ্ৰুতি হাচানক! খুলি ক'লে সৌন্দৰ্যৰ গোপন ৰহ্স্য

ডিজিটেল ডেস্কঃ বৰ্তমান সময়ত নিজৰ সৌন্দৰ্য বঢ়াবলৈ মহিলাসকলে বহুতো কৌশল অৱলম্বন কৰে। অভিনেত্ৰী শ্ৰুতি হাচানে( Shruti Haasan) অলপতে এক ধৰণৰ চিকিৎসাৰ বিষয়ে কৈছে যি চিকিৎসাই মহিলাৰ সৌন্দৰ্য দুগুণে বৃদ্ধি কৰে। অভিনেত্ৰীগৰাকীয়ে তেওঁৰ উজ্জ্বল মুখৰ ৰহস্য মানুহৰ সৈতে শ্বেয়াৰ কৰিছে। শ্ৰুতি হাচানক দক্ষিণ আৰু বলীউডত ধুনীয়া অভিনেত্ৰীসকলৰ ভিতৰত গণ্য কৰা হয়। ৩৬ বছৰীয়া অভিনেত্ৰীগৰাকীৰ মুখত কোনো দাগ নাই। ইয়াৰ তেওঁৰ মুখলৈ চাই এনে লাগে যেন তেওঁ এতিয়াও ২৫ বছৰীয়া। শ্ৰুতিয়ে নিজৰ সৌন্দৰ্য বজাই ৰাখিবলৈ এক বিশেষ ধৰণৰ সৌন্দৰ্য চিকিৎসা গ্ৰহণ কৰে, যিটো তেওঁ নিজকে প্ৰকাশ কৰিছে। 

শেহতীয়াকৈ শ্ৰুতি হাছানৰ এটা ভিডিঅ' পোহৰলৈ আহিছে য'ত অভিনেত্ৰীগৰাকীক এই চিকিৎসা গ্ৰহণ কৰা দেখা গৈছে। ভিডিঅ'টো চৰ্মৰোগ বিশেষজ্ঞ ৰশ্মি চেট্টীয়ে তেওঁৰ ইনষ্টাগ্ৰামত শ্বেয়াৰ কৰিছিল। বিশেষ কথাটো হ'ল যে এই চিকিৎসাই ছালক বিভিন্ন ধৰণে লাভান্বিত কৰে। অৱশ্যে শ্ৰুতি হাচানে বিভিন্ন প্ৰকাৰৰ সৌন্দৰ্য সামগ্ৰী ব্যৱহাৰ কৰে কিন্তু এই সৌন্দৰ্য চিকিৎসাৰ জৰিয়তে তেওঁৰ মুখত তাৎক্ষণিক উজ্জ্বলতা দেখা গৈছে। অভিনেত্ৰীগৰাকীয়ে কৈছিল যে তেওঁ এডভান্স ৰেডিঅ' ফ্ৰিকুৱেন্সী ট্ৰিটমেণ্ট গ্ৰহণ কৰি আছে। ই হৈছে এক প্ৰকাৰৰ সৌন্দৰ্য চিকিৎসা যি ছালখন ভিতৰৰ পৰা স্বাস্থ্যৱান কৰাত সহায় কৰে। এই ট্ৰিটমেণ্টত মুখখন বহুত সতেজ আৰু সুন্দৰ দেখায়। এই চিকিৎসাৰ দ্বাৰা অভিনেত্ৰীগৰাকীৰ মুখত এক আশ্চৰ্যকৰ উজ্জ্বলতা দেখা গৈছে। 

ডাৰ্মাটোলজিষ্ট ৰশ্মি চেট্টীয়ে কৈছিল যে আৰএ হৈছে এনে এক শক্তি-আধাৰিত সঁজুলি যি নিয়ন্ত্ৰিত উষ্ণতাত ছালৰ স্তৰৰ গভীৰতালৈ প্ৰৱেশ কৰাৰ সময়ত কোষকলা গৰম কৰে। ই কোলাজেন, ইলাষ্টিন আৰু গ্ৰাউণ্ড চাবষ্টেন সক্ৰিয় কৰাত সহায় কৰে। এনে কৰাৰ ফলত ছাল যৌৱনপুষ্ট, কোমল, আৰু সতেজ হৈ জিলিকি উঠে। ডাৰ্মাটোলজিষ্টৰ মতে যিসকলে তেওঁলোকৰ ছাল পুষ্টিকৰ কৰি ৰাখিব বিচাৰে তেওঁলোকৰ বাবে এই ডভান্স ৰেডিঅ' ফ্ৰিকুৱেন্সী ট্ৰিটমেণ্ট সৰ্বশ্ৰেষ্ঠ। এই চিকিৎসাৰ দ্বাৰা, সূক্ষ্ম ৰেখা, খহটা ছাল, ঢিলা ছালৰ দৰে সকলো সমস্যা আঁতৰ কৰিব পাৰি। ই পিম্পলৰ দাগ, খোলা ছিদ্ৰৰ সমস্যা নিৰাময় কৰিব পাৰে। বৰ্ধিত বয়সত ছালত দেখা দিয়া ৰেখাবোৰ হ্ৰাস কৰিবলৈ এই চিকিৎসাৰ আশ্ৰয় ল'ব পাৰি। 

ইয়াৰ বাহিৰেও যদি আপুনি আপোনাৰ মুখৰ ছাল উন্নত কৰিব বিচাৰে বা মুখখন উজলি থকাটো বিচাৰে তেনেহ'লে আপুনি এই সৌন্দৰ্য চিকিৎসাৰ সুবিধা ল'ব পাৰে। এই সকলোবোৰৰ বাহিৰেও শ্ৰুতি হাচানে নিশ্চিতভাৱে ছালৰ যত্নৰ ৰুটিন অনুসৰণ কৰে। পৰিষ্কাৰ কৰা, টোনিং আৰু ময়শ্চাৰাইজিং কৰাৰ উপৰিও তেওঁৰ ৰুটিনত বহুতো প্ৰাকৃতিক বস্তুও অন্তৰ্ভুক্ত থাকে। তেওঁ প্ৰাকৃতিক ফেচ মাস্ক, বেকিং চ'ডা আৰু নাৰিকল তেলৰ স্ক্ৰাব, মালিচ আদিৰ দৰে কামবোৰ দৈনিক আধাৰত কৰি থাকে। ইয়াৰ উপৰিও এই ৰুটিনত ব্যায়াম আৰু স্বাস্থ্যকৰ আহাৰো অন্তৰ্ভুক্ত থাকে। অভিনেত্ৰীগৰাকীৰ মতে ছালখন জিলিকি থকাটো সহজ নহয়। কোনো যত্ন অবিহনে সৌন্দৰ্য অতি সোনকালে ম্লান হয়, সেয়েহে উন্নত চিকিৎসাৰ লগতে ছালৰ যত্নৰ ৰুটিন অনুসৰণ কৰাটোও অতি গুৰুত্বপূৰ্ণ।