ডিজিটেল ডেস্কঃ দেশত মুদ্ৰাস্ফীতি বহু পৰিমাণে বৃদ্ধি পাইছে। সকলো বস্তুৰে দাম আকাশলংঘী হৈ পৰিছে। এনে সময়তে ১৯৬৩ চনৰ পেট্ৰ’ল পাম্পৰ বিল ছ’চিয়েল মিডিয়াত ভাইৰেল হৈ পৰিছে, য’ত দেখা গৈছে ১৯৬৩ চনত পেট্ৰ’লৰ দাম কিমান কম আছিল। বিলখন দেখাৰ পিছত হয়তো মানুহে ভাবিছে যে আজি এই দামত পেট্ৰ’ল পোৱা গ’লে আমি আমাৰ গাড়ীৰে গোটেই পৃথিৱীখন ভ্ৰমণ কৰিব পাৰিলোহেঁতেন।
কল্পনা কৰকচোন ৬০ বছৰ আগতে অৰ্থাৎ ১৯৬৩ চনত পাঁচ লিটাৰ পেট্ৰ’লৰ দাম কিমান হ’লহেঁতেন। ছ’চিয়েল মিডিয়াত ভাইৰেল হৈ আছে এখন কেছ মেমো। পেট্ৰল ভৰোৱাৰ পিছত পেট্ৰল পাম্পে গ্ৰাহকক কেছ মেমো দিয়ে। ইয়াত কেছ মেমোত ১৯৬৩ চনৰ ২ ফেব্ৰুৱাৰী তাৰিখ লিখা আছে আৰু পাঁচ লিটাৰ পেট্ৰ’লৰ দামৰ বিপৰীতে তিনি টকা ষাঠি পইচা লিখা আছে। কল্পনা কৰকচোন, ৬০ বছৰ আগতে ইমান কম দামত ৫ লিটাৰ পেট্ৰ’ল পোৱা গৈছিল।
আজিকালি মুদ্ৰাস্ফীতি বৃদ্ধিৰ লগে লগে পেট্ৰ’ল-ডিজেলৰ দাম কিমান দ্ৰুতগতিত বৃদ্ধি পাইছে আপোনালোকে সকলোৱে জানে। এই কেছ মেমোত লিখা আছে যে সেই সময়ত তিনি টকা ষাঠি পইচাত পাঁচ লিটাৰ পেট্ৰল উপলব্ধ আছিল, অৰ্থাৎ এক লিটাৰ পেট্ৰলৰ দাম আছিল ৭২ পইচা। এই বিলখন ছ’চিয়েল মিডিয়াত ভাইৰেল হোৱাৰ লগে লগে মানুহে এই বিলৰ দাম আজিৰ দামৰ সৈতে তুলনা কৰিবলৈ আৰম্ভ কৰিলে।
Continue Reading
