ডিজিটেল ডেস্কঃ টকা চুৰি কৰাৰ অভিযোগত এগৰাকী পঞ্চম শ্ৰেণীৰ ছাত্ৰীক হোষ্টেলৰ অধীক্ষকে জোতাৰ মালা পিন্ধাই হোষ্টেল পৰিভ্ৰমণ কৰোৱাৰ ঘটনাই তীব্ৰ প্ৰতিক্ৰিয়াৰ সৃষ্টি কৰিছে। ঘটনাটো ঘটিছে মধ্য প্ৰদেশৰ বেতুলত । ঘটনাটো পোহৰলৈ অহাৰ লগে লগে জিলা প্ৰশাসনে তদন্তৰ নিৰ্দেশ দিছে।বেতুল জিলাৰ দামজিপুৰা গাঁৱত আদিবাসী ছোৱালীৰ বাবে থকা এটা চৰকাৰী হোষ্টেলত এনে ঘটনা ঘটাৰ অভিযোগ উত্থাপন কৰা হৈছে।
হোষ্টেলৰ এগৰাকী ছাত্ৰীৰ বিৰুদ্ধে ৪০০ টকাচুৰি কৰাৰ অভিযোগ উঠিছিল। পঞ্চম শ্ৰেণীৰ ছাত্ৰীগৰাকীৰ বিৰুদ্ধে হোষ্টেল অধীক্ষকৰ ওচৰত এটা অভিযোগ দাখিল কৰা হৈছিল।
অভিযোগ পোৱাৰ পিছত অধীক্ষকে ছাত্ৰীৰাকীক মতাই নিছিল। তেওঁৰ মুখত ক’লা ৰং সানি দিয়া হৈছিল। কেৱল সেয়াই নহয়, হোষ্টেলৰ চুপাৰজনে তেওঁক জোতাৰ মালা পিন্ধাইগোটেই হোষ্টেলত ঘূৰাইছিল। ছোৱালীজনীয়ে তেওঁৰ দেউতাকক ঘটনাটোৰ বিষয়ে কৈছিল।
তাৰ পিছত ছাত্ৰীগৰাকীৰ পিতৃয়ে জিলা দণ্ডাধীশ অমৰবীৰ সিঙক লগ কৰিছিল আৰু অধীক্ষকৰ বিৰুদ্ধে অভিযোগ দাখিল কৰিছিল। অভিযোগ পোৱাৰ পিছত জিলা দণ্ডাধীশে ঘটনাটোৰ তদন্তৰ নিৰ্দেশ দিয়ে। ছোৱালীজনীৰ দেউতাকে কয় যে ঘটনাটোৰ পিছৰে পৰা তেওঁৰ ছোৱালী আতংকিত হৈ আছে। তেওঁ হোষ্টেলত থাকিব বিচৰা নাই।
জনজাতীয় পৰিক্ৰমা বিভাগৰ সহকাৰী আয়ুক্ত শিল্পা জৈনে হোষ্টেলৰ ঘটনাটোৰ বিষয়ে জানিব পাৰি অধীক্ষকগৰাকীক পদৰ পৰা আঁতৰাই দিয়া দিছে। যদি ঘটনাটোত যদি আন কোনো লোক জড়িত থাকে তেন্তে তেওঁলোকৰ বিৰুদ্ধেও ব্যৱস্থা লোৱা হ'ব বুলি জৈনে কৈছে।
Continue Reading
