মানাহ ব্যাঘ্ৰ প্ৰকল্পত বাৰ্ষিক ব্যাঘ্ৰ গণনা প্ৰক্ৰিয়া ; ৪০০ ট্ৰেপিং কেমেৰা স্থাপনেৰে চলিছে ব্যাঘ্ৰ গণনা

ডিজিটেল ডেস্কঃ সমগ্ৰ ভাৰতবৰ্ষতেই আৰম্ভ হৈছে সৰ্বভাৰতীয় ব্যাঘ্ৰ গণনা প্ৰক্ৰিয়া ২০২৬। সমান্তৰালভাৱে মানাহ ব্যাঘ্র প্ৰকল্পতো ২০২৬ বৰ্ষৰ বাবে আৰম্ভ হৈছে বাৰ্ষিক ব্যাঘ্ৰ গণনা প্ৰক্ৰিয়া।

যোৱা ডিচেম্বৰ মাহৰ শেষৰ ভাগৰ পৰা আৰম্ভ হোৱা ব্যাঘ্ৰ গণনা প্ৰক্ৰিয়া এই বৰ্ষৰ জানুৱাৰী মাহৰ শেষলৈকে প্ৰায় এমাহজোৰাকৈ চলিব।মানাহ ব্যাঘ্ৰ প্ৰকল্পৰ বাঁহবাৰী,ভূঞাপাৰা,পানবাৰী আৰু কুকলুংকে ধৰি মুঠ চাৰিটা ৰেঞ্জতেই বিভাগীয় লোকসকলে ট্ৰেপিং কেমেৰা স্থাপন কৰি চলাই গৈছে ব্যাঘ্ৰ গণনা প্ৰক্ৰিয়া।

মানাহ ব্যাঘ্ৰ প্ৰকল্পত মুঠ ৪০০ ট্ৰেপিং কেমেৰা স্থাপনেৰে চলিছে ব্যাঘ্ৰ গণনা প্ৰক্ৰিয়া।উল্লেখ্য যে ব্যাঘ্ৰ গণনা প্ৰক্ৰিয়াৰ অন্ততহে জানিবলৈ পৰা যাব এই বৰ্ষত মানাহ ব্যাঘ্ৰ প্ৰকল্পত কিমানলৈ বৃদ্ধি পালে বাঘৰ সংখ্যা।মানাহ ব্যাঘ্ৰ প্ৰকল্পৰ বাঁহবাৰী ৰেঞ্জৰ ৰেঞ্জাৰ বাৰিন বড়োৱে সংবাদ মাধ্যমৰ আগত কয় যে আশা কৰিছো পূৰ্বৰ তুলনাত মানাহ ব্যাঘ্ৰ প্ৰকল্পত বৃদ্ধি পাব বাঘৰ সংখ্যা।অনুমানিক ৫৬ টাকৈ অধিক বৃদ্ধি পাব বাঘৰ সংখ্যা।