৫ দিনত চন্দ্ৰবাবু নাইডুৰ পত্নীয়ে লাভ কৰিলে ৫৩৫ কোটি টকা, পুত্ৰৰ লাভ ২৩৭ কোটি!

কোম্পানীটোৰ ৱেবছাইটত ইয়াক "ভাৰতৰ অন্যতম দ্ৰুতগতিত বৃদ্ধি পোৱা ৰাজহুৱা তালিকাভুক্ত কোম্পানী" বুলি উল্লেখ  কৰা হৈছে। কোম্পানীটোৰ  দুটা ব্যৱসায়িক শাখা  আছে - দুগ্ধ আৰু নবীকৰণযোগ্য শক্তি। বৰ্তমান হেৰিটেজৰ গাখীৰ আৰু গাখীৰৰ সামগ্ৰীৰ বজাৰ অন্ধ্ৰ প্ৰদেশ, তেলেংগানা, কৰ্ণাটক, কেৰেলা, তামিলনাডু, মহাৰাষ্ট্ৰ, ওড়িশা,  দিল্লী, হাৰিয়ানা, ৰাজস্থান, উত্তৰাখণ্ড আৰু উত্তৰ প্ৰদেশলৈ প্ৰসাৰিত হৈছে৷ নৰা ভুৱনেশ্বৰী কোম্পানীটোৰ শীৰ্ষ শ্বেয়াৰ হোল্ডাৰ৷  বিএছইৰ তথ্য অনুসৰি কোম্পানীটোত তেওঁৰ ২,২৬,১১,৫২৫টা শ্বেয়াৰ আছে। নাইডুৰ পুত্ৰ নৰা লোকেশৰ হাততো হেৰিটেজ ফুডছৰ ১,০০,৩৭,৪৫৩ টা শ্বেয়াৰ আছে।ষ্টক উৰ্ধগামী হোৱাৰ পিছত লোকেশৰো ২৩৭.৮ কোটি  টকা  বৃদ্ধি পাইছে। উল্লেখ্য অন্ধ্ৰপ্ৰদেশত লোকসভা  নিৰ্বাচনত  টিডিপিয়ে প্ৰতিদ্বন্দ্বিতা কৰা ১৭খন আসনৰ ভিতৰত ১৬খন আসনতে জয়লাভ কৰে, আৰু এনডিএত গুৰুত্বপূৰ্ণ দল হৈ পৰে।৫৪৩ জনীয়া লোকসভাত এনডিএয়ে ২৯৩খন আসনত জয়লাভ কৰিছে। বিগত দুটা কাৰ্যকালত সংখ্যাগৰিষ্ঠতা লাভ কৰা বিজেপিয়ে মাত্ৰ ২৪০খন আসনহে লাভ কৰিছে৷ ফলত গুৰুত্বপূৰ্ণ হৈ পৰিছে চন্দ্ৰবাবু নাইডু৷