ডিজিটেল ডেস্কঃ এগৰাকী ছাত্ৰই পৰীক্ষা দিবলৈ গৈ দেখে যে গোটেই পৰীক্ষা কেন্দ্ৰটোত তেওঁৱেই মাত্ৰ ল’ৰা আৰু বাকীবোৰ সৱ ছোৱালী। এই দৃশ্য দেখি তেওঁ অস্বত্বি অনুভৱ কৰিবলৈ ধৰে। পৰীক্ষা কেন্দ্ৰটোত আছিল ৫০০ গৰাকী ছাত্ৰী আৰু তেওঁৱেই আছিল একমাত্ৰ ছাত্ৰ। সেইবাবেই এই ছাত্ৰজন নাৰ্ভাছ হৈ অজ্ঞান হৈ পৰে।
এই ঘটনা বিহাৰৰ নালন্দাৰ। ছাত্ৰজনৰ পৰিয়ালে জনায় যে ইমানবোৰ ছোৱালী একেলগে দেখাৰ পাছত তেওঁ নাৰ্ভাছ হৈ পৰিছিল আৰু পাছত তেওঁ অজ্ঞান হৈ পৰিছিল। বৰ্তমান ছাত্ৰজন চিকিৎসালয়ত ভৰ্তি হৈ আছে আৰু তেওঁৰ চিকিৎসা অব্যাহত আছে।
এই অদ্ভুত ঘটনাটো নালন্দাত সংঘটিত হৈছিল ইণ্টাৰমিডিয়েট পৰীক্ষাৰ সময়ত। বিহাৰ ব’ৰ্ডৰ দ্বাদশ শ্ৰেণীৰ পৰীক্ষাৰ সময়ত পৰীক্ষা হলত ছাত্ৰজন অচেতন হৈ পৰে আৰু তেওঁক লগে লগে চিকিৎসালয়লৈ লৈ যোৱা হয়। এই ছাত্ৰজনৰ নাম মনীষ শংকৰ আৰু বয়স ১৭ বছৰ।
ছাত্ৰ মনীষ শংকৰ ৫০০ গৰাকী ছাত্ৰীৰ মাজত পৰীক্ষা কেন্দ্ৰত অকলে বহি আছিল। গণিতৰ পৰীক্ষা দিবলৈ গৈছিল মনীষ শংকৰে। অধিক ছোৱালীৰ মাজত বহি থকাৰ বাবে তেওঁ ইমানেই নাৰ্ভাছ হৈ পৰিল যে পৰীক্ষা দিয়াৰ সলনি তেওঁ অজ্ঞান হৈ পৰে।
উল্লেখ্য যে আল্লামা ইকবাল কলেজৰ ছাত্ৰ মনীষ শংকৰৰ পৰীক্ষা কেন্দ্ৰ আছিল সুন্দৰগড়ৰ ব্রিলিয়েণ্ট কনভেন্ট স্কুল। উল্লেখ্য যে চিকিৎসালয়ত বহু ঘণ্টাৰ পাছতহে হুঁচ আহে মনীষ শংকৰৰ।
Continue Reading
